STOP0140_0141_20978

Lapaar kaam e keer of. Enne wos ol were uut ’t kot. En ‘t kaam dor e vint die zegt: "Zijt gij Lapaar? ‘k En joen dikwissen gezien met e zakschge zand." Ze verkochten zieder zand. Die bende e lange gewareerd in den omtrek van Krombeke, Stavele. ’t Wos dor e boertje die e koppel zwijns geleverd hadde en ’t e moeten zijn ofgeven. Ze wrochten zieder nooit. Ze leefden van stelen en moorden. Lapaar kaam e keer nor d’herberge enne vroeg: "Gaat je e keer e seultje zand kopen?" En mijn moeder zei dat ze geen nodig an. Ze kochten nu en toen etwodde omdat ze gingen fraai zijn. ’t Woren dor twee menschen in Krombeke die bijkans ulder dood haald èn an dat volk. Z’an zuk e benauwd. Z’èn ozo gemoord… ‘k En z’ik nog gezien. Ze woren met drien. ’t Woren twee Pollets en een van Poperinge. Dat woren deugnieten wè. Z’èn dor e keer in Krombeke geweest en z’èn dor olles deursnusterd (onderzocht). Ze zochten dor vlees want z’an dor e zwijntje doodgedon. M’hielden wieder herberge en zieder kamen dor dikwissen nor de smesse. Dat woren dor kloeke mannen in de smesse en ze zein: "Komt gieder mor e keer nor thuzent." An ze moeten t’oengeluk èn van e keer nor de smesse te gon, ze gingen wel èn ijzer in ulder nekke krijgen wè! Lapaar wos mor e kleen vintje mor e droeven. Die Pollets èn onthoofd geweest in Vrankrijk. ’t E dorvan e liejge gemakt geweest:"Abel Pollet, Lapaar en consoorten,Hebben gewurgd de heer Lendement (dat wos e rieke mens)"‘k Kunnen niet meer verder. Ja, ‘k èn dor nooit meer up gestudeerd enee. Mijn vader zaliger ging olle weke nor de mart nor Ieper te voete. Enne ging ossan ’s nuchtens te vieren deure. Enne kaam z’e keer olle drie tegen. Ze stoen zieder dor e minute of drie van hem en ze keken e keer en ze gaven e grol nor mekor mor z’èn niet angegon. Z’èn thuzent nooit gekommen. O’t er e heel menage wos, kamen ze niet lichte binnen. Abel wos de droefsten en ’n andern wos Guusten, Lapaar ging roend met seultjes zand met èn hoendekarre.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Pollet vertoefde lange tijd in de buurt van Krombeke en Stavele. Een boer die enkele varkens had geleverd, moest zijn geld afgeven aan de rovers. De rovers leefden van diefstallen en moorden. Op een dag kwam Lapaar aan een herbergierster vragen of ze misschien een emmertje zand wilde kopen. De herbergierster had echter niets nodig. Af en toe kocht ze toch iets om op goede voet te blijven met de man. De bende van Pollet bestond uit drie rovers: de broers Abel en August Pollet en Lapaar, een man uit Poperinge. In een huis in Krombeke waar men een varken had geslacht, gingen de rovers op zoek naar vlees. De rovers van Pollet werden onthoofd in Frankrijk. Over die terechtstelling werd een liedje gemaakt. Een man die iedere ochtend om vier uur te voet naar de markt van Ieper vertrok, kwam de rovers op een dag tegen. De man werd door de rovers met rust gelaten.

S. Top, Leuven, 1964

4. Historische sagen

west-vlaams (vrijbos)

68A

Ouders van de informant

fabulaat

Pollet
Abel Pollet
August Pollet
Lapaar

Pollet (bende van)    Pollet (bende van)   

bende van Pollet    bende van Pollet   

Woumen    Woumen   

Ieper    Ieper   

Frankrijk    Frankrijk   

Krombeke    Krombeke   

Stavele    Stavele