LCUMP0300_0300_14709 - Variant van (372). Tovenaar is X

D’hoge dieken (dijken) - je kent da misschien wel - da’s in Roksem en ’t zat do vul ratten. En ’t was dor ’n vintje da koste toveren. Z’heeten (sic) hem Roeckstje, mo da’s eigentlik zen echte noame nie. Den oenderpaster - da was ton Wullaert, ik kenden hem stief goed - en de’en hee’nog getracht van zen boek te kriegen. Nu e ki met goedheid en kwoadheid en soms met geld. E wel, Roeckstje kwam e ki woar dander (dat er) veel ratten zaten en je zei tegen dien boer: j’he’ gie (ge hebt) hier wel veel ratten. Zoe je ze nie willen kwiet zien? Ba j’oak (ja), zei dien boer en me goan joen do zels entwa voren geven oeje (als je) da’ doet. En Roeckstje verjoeg ze ton no Severaert’s. Den de’en zat er ton mee geploagd. Roeckstje die dor ’n bitje zen broadgewin (broodwinning) van makte en azo e bitje geld koste verdien’n vroeg ton an hem ook os’t’en der nie wilde van of geroaken. Mo je zei der bie: da kost mien noteurlik ’n bitje moeite hé! Da was nie woar, mo je zei dadde om wat geld te verdienen. En osten nodien ip dien eeste post were kwam zei den boer tegen hem: e wel, zoe je geloven dat da rare doet azo zonder ratten. Alli, zie Roeckstje, mo sedert ton had dien boer der nog biena meer dan te voren. Mo je kost’ie dat ollemolle deur zen boeken.

Op een boerderij in Roksem had men te kampen met een rattenplaag. Een tovenaar die toverboeken bezat, deed alle ratten verdwijnen in ruil voor een kleine vergoeding van de boer. Toen de boer de tovenaar een tijdje later tegenkwam, zei hij: "Zou je geloven dat het vreemd is nu er geen ratten meer op de boerderij zitten?" Bij zijn thuiskomst stelde de boer vast dat er plots nog meer ratten op zijn boerderij zaten dan vroeger.

L. Cumps, Leuven, 1965

2.2 Tovenaars

west-vlaams (z van brugge)

373

fabulaat

Sint-Andries    Sint-Andries   

Roksem    Roksem