STOP0037_0038_20714

’t Woren d’er zesse of zeven van Staân in de bende van Bakelandt en ook nog e bitje van ander prochiën. De bende moet wel uut e man of dertig beston èn. Ze zaten meest in West-Vlaanderen, in de busschen van Houthulst, in de speloenken ne stik zeven of achte gelove ‘k ik. Binsten dag rustten die mannen en ’s nachts gingen ze toene up roof. Z’haalden koeien, veerzen uut de weên die ’s nachts roendliepen. T’èn ook moorden gebeurd. Ze moordden meest bij boeren omdat er dor meest geld wos. Ze vermoordden ollene mor o z’ulder tegenweerden. Die bende moet wel e jor of tiene meegegon èn. D’ene zijn de kop ofgedon geweest en d’andre zijn gestraft geweest. ’t Woren er van Staân en van Rozebeke zeker e stik of twee. ’t Woren er nateurlik van Houthulst ook in. ’t Is in de busschen van Houthulst dat er vele moorden gebeurd èn. ’t Is in Brugge, de hoofdstad van de provinsche, dat ze gestraft geweest zijn. ‘tWos mannevolk in die bende, geen vrovolk. ’t Wos bij nachte dat dat ollemale gebeurde. ‘k En lange de namen geweten van de mannen van Staân, mor met den oorloge is dat ollemale weg. T’èn ook moorden in Staân gebeurd. ’t Wos hier toen ollemale bus. ‘k Weten niet meer wor dat ze juuste gepakt zijn, den een hier en den andern dor. De menschen woren wreed benauwd van Bakelandt vooral de deze die hem kenden.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Zes of zeven rovers van de bende van Bakelandt kwamen uit Staden. De anderen kwamen uit andere parochies. De bende moet zeker uit dertig personen hebben bestaan. Meestal vertoefden ze in spelonken in de bossen van Houthulst. Overdag rustten de rovers uit van hun nachtelijke rooftochten. Ze haalden 's nachts koeien en vaarzen uit de weiden. Ze pleegden vooral moorden bij mensen die veel geld bezaten. Enkel mensen die zich verzetten tegen de rovers, werden gedood. Die bende heeft zeker tien jaar bestaan. Sommige rovers werden onthoofd en anderen kregen een gevangenisstraf. Sommige rovers waren afkomstig uit Staden of uit Westrozebeke. De bende bestond enkel uit mannen. In de bossen van Houthulst werden veel moorden gepleegd door die bende. In Brugge werden de rovers gestraft.

S. Top, Leuven, 1964

4. Historische sagen

west-vlaams (vrijbos)

18A

fabulaat

Baekeland (bende van)    Baekeland (bende van)   

bende van Baekeland    bende van Baekeland   

Staden    Staden   

Staden    Staden   

Houthulst    Houthulst   

Brugge    Brugge   

Westrozebeke    Westrozebeke