PKNAB0265_0266_6621 - Koe geeft minder melk door vloek van heks

In Rèikem is dat ins gebeurd, ene nónk van mich hèit dat neet ins, mer hónderden kiëren vertèld, ouch van 'n heks en e buurke. In Rèikem waor dat erg, hé, heksen: dao waor ein, ich zal ze neet neumen, Lis waor heure veurnaam, die waor de ganse streek door gekènd en eederein haw dao schrik veur. Enfin, en die haw e zuster hé, en dao wósjten de luj ouch neet good wat ze van die dènken mósjten. En dèi minsch dèi haw dat zelf tegen mijne nónk vertèld, en dèi gelof (geloofde) dao heilig aan, dat dat waor waor hé, jà. En die vrouw, dat vroumesch, ging dao êlken dâg mèlk holen hé, mer neet zoë, ich zal zèggen wie normaal, ene liter of enen hawve (halve) liter of zoë, mer altijd: 'Labert, zèg Lambert, hebs-te mich neet e kletske mèlk?' Jà, en dèi minsch gaof heur dan get mèlk. Mer, jà, ze hawwen ouch mer altijd ein of in twië kzuj (koeien), en ze hawwen 't neet breid, wie eenderein vreuger, en dów zèit die vrouw tegen heum, zijn eigen vrouw dus hé: jà, dt ze dan toch mer get daoveur mósj betalen of get in de plaats doen. En ,jà dèi Lam, ee zag 't neet gèir, mer ze zouw begrijpen dat zij 't ouch groët vandoon hawwen, es ze mer ins get gaof. En, - nów kan ich dat toch neet zoë good miër aaneinhangen eigenlijk - mer 't keem dan toch d'r op neer dat ze gein mèlk miër vandoon haw. 'Ich hoof d'n mèlk neet miër', zag ze ins valseweg. Mer good, e paar daag d'r nao dènk er zoë: 'Ich heb precies get minder mèlk vandaag.' En 's anderendaags heel (hield) er dat weer nao, en dat waor weer minder. En dat ging zoë nog e paar dag wijer (verder), en ee haw altijd mer minder, e bitsje mer, mer 't WAOR minder. En toen kump doa tówvallig ene koupman aan, ene viëkoupman. En dèi hèit er die koo mètgegeven veur de hèlf, enfin toch veur veul minder es dat ze eigenlik weerd waor; toen ze nog alle mèlk gaof dan. Nów, allewijl wuurd (wordt) zoëget neet miër geglof (geloofd) hén en dat is ouch neet zeker hé, mer bij luj die dat naoheelen keem dat dan toch zoë dèks uit, dat zoë e wijf get gezag haw en dat ze van dów-âf-aan malheuren hawwen. Dat is zoë mèt de luj, es ze ärmood hebben, bekijken ze den eine den angere liëlik d'rveur, en es ze rijk zijn dan maken ze den eine den angere kepot veur nog miër te hebben.

SINSAG 0580 - Andere Hexenkünste    SINSAG 0580 - Andere Hexenkünste   

In Rekem woonde een heks met de naam Lies. Sommige mensen geloofden dat ook de zus van Lies een heks was. Lambert, een boer uit Rekem, kreeg die vrouw altijd op bezoek. Ze kwam dan wat melk halen, maar ze gaf er nooit iets voor in de plaats. Op een dag sprak de boerin tot haar man: "Lambert, als ze nu toch eens voor die melk zou betalen!" Sinds die dag kwam de vrouw vreemd genoeg geen melk meer halen. "Ik heb geen melk meer nodig!", zei ze dan. Hoewel Lambert geen melk meer moest afgeven, stelde hij vast dat hij elke dag minder en minder melk had. Toen er een veehandelaar langskwam, verkocht Lambert zijn koe voor de helft van de oorspronkelijke waarde.

P. Knabben, Leuven, 1970

2.1 Heksen

limburgs (maasvallei)

O/V/149

Oom van de informant

fabulaat

Lies
Lambert

Lambert    Lambert   

Opgrimbie    Opgrimbie   

Rekem    Rekem