PKNAB0319_0320_6699 - Spookplaats: "Asbrook": waar de "heipastoor" dwaalt

En woë die doorkaomden, op die plaats, dao lig ... dao lig ene bos dao zèggen ze... dat is tusschen de Barsj euver, es-der (als ge) rech-op (recht naar boven) gaot, nów hèit 't de keuning, dao zagten ze, dat is 't 'Asbrook' zagten ze, en dat hèit mich dèin auwe minsch vertèld, 'Lewie', zèit er tegen mich, 'dao moot get zijn wat neet good is, dao, es ich menen hónd dao durf herinschikken (insturen), dan moot ich oppassen, anders is er mich heivers (naar huis). En ich haw hem ene kiër ins gedwóngen van d'r herin (daarin) te goon, en dów waor er heivers. En ee blèif (bleef weg), er leet mich roopen, weg, weg, en er leep dan bij ós', zag er. 'Wat dao is, dat weit ich neet', zag er.Dów jà, zagten de luj, dao waor, zaot ene, ene pestoër, en dèi wandelde dao ónder haw straof misdreven, dèi mósj dao kómmen, jà, wie die luj toen zagten. Toen zèit mich eine, dèi plekde (stukadoor), enen auwe minsch, dèi waor al getrouwd, en dów waor ich nog jóngk, misschiens twintig jaor, misschiens nog iërder, toen zèit, zèit dèi zo¨: 'Jà, ze kallen van dèi, van dèi pestoër dao wandelen (sic).' Mer jà, ee waor in Opglabb'k (-beek) aan 't plekken (bezetten), en 's aoves, neet al aoves (alle avonden) kaom dèi heivers, dèk (vaak) ins in de week en 's zaoterdigs, altijd. Te voot, dów waor geine fits, dów bestóng geine fits, zoë lang is dat (ge)'leejen, dów waor nog geine fits in Grummie, waor (ich was) zoë aud nog neet. 'Dao heb ich eine zien wandelen', zèit ze, 'dao bèn ich langs doorgegangen, en, ich keek, jao, dèi waor gekleid wie ene pestoër', zag er, 'jao 't waor aovend, (hij was -) zoë dónkel en langk', zèit er, 'weit ich neet wat dat is. Jà-à, ich haw mich toch rap ene revolver gekoch', zag er, 'van die, ... van die mèt die wel, dao goon drij scheut (schoten) op, van die. Jao, ich heb hem gezeen.' Haw ee zich ene revolver gekoch. 'Ich haw mich teziër verschrik', zag er. Dèi haw dat ouch gehuurd van dèi pestoër dao hé, mer ee gelof (geloofde) dao neet aan, hé. ...PK: en deeg dèi pestoër get of zoë?Niks! dèi wandelde dao, dèi deeg niemend niks. Mer dao waoren d'rs miër die dèi gezeen hawwen huur!PK: Ha! en dów dachten ze dat dèi dao 'n straf mósj uitzitten?Jao, dat dèi kaomde (kwam) veur straof. Nów zèg mich dan ins! Wat ollemaol besteit!! Wat ollemaol besteit, hé jóng...

SINSAG 0450 - Andere Tote spuken.    SINSAG 0450 - Andere Tote spuken.   

In het Asbroek moest iets vreemds aan de hand zijn. Een man die zijn hond in het broek stuurde, verbaasde zich erover dat het dier bang naar huis liep.
De mensen beweerden dat in het Asbroek een heipastoor rondliep, die moest boeten voor een zonde. Een stukadoor die op een avond langs het Asbroek naar huis wandelde, zag een grote pastoor die donkere kleren droeg. De man was zo geschrokken dat hij de volgende dag een revolver kocht.

P. Knabben, Leuven, 1970

1.4 Luchtgeesten

limburgs (maasvallei)

O/XIII/219

fabulaat

Bandopname

heipastoor    heipastoor   

Opgrimbie    Opgrimbie   

Asbroek (Opgrimbie)    Asbroek (Opgrimbie)