FVANH0101_0101_17774

Als ge de Varende vrouwe tegenkomt, ge kunt er niet van uit, der komen drie ongelukken achter mallekaar.Der was hier ’n vrouwmens in ’t gebuurte, en ze had de "Varende Vrouwe" tegengekomen. En ’s anderdaags, als ze ’t strooi op de dilte smeet, viel ze der deure en ze brak heur been. En ze moeste op krukken gaan. En ’t dak van heur schure was heel in gruizelmenten. En ’t derde dat ze tegenkwam - ’t was wel zo erg niet, maar t-er was daar toch ook kwade wille mee gemoeid - ze giet ’t meel in den trog voor brood te bakken, en lijk geweunte, ze gaat om den eesel (= zuurdeeg). En hij lag daar nog zuuste lijk dat ze hem passeerde weke daar geleid had: hij was nog geen spierke opgegaan. En ze moeste in ’t gebuurte gaan achter wat eesel te vragen, en alzoe koste ze alglijk heur bakte doen. En ’t is daarvoren, als ge de "Varende Vrouwe" tegenkomt, ge hebt drie ongelukken achter mallekaar.

Wie de Varende Vrouw tegenkwam, zou drie ongelukken na elkaar krijgen. Een vrouw die de Varende Vrouw had gezien, viel even later toen ze stro op het dak van haar schuur aan het leggen was. Het dak van de schuur was helemaal stuk door dat ongeval. Omdat het brooddeeg niet wilde rijzen, moest de vrouw bij de buren zuurdesem gaan vragen om brood te kunnen bakken.

F. Van Houdenhove, Leuven, 1967

1.4 Luchtgeesten

west-vlaams (tussen schelde en leie)

55

fabulaat

Avelgem    Avelgem