PKNAB0249_0250_6590 - Bende

De bókkerijers? Nei, dao heb ich noëts niks van gehuurd... Ger hadt wâl luj die zich zwart maakden. Die pakden uch aan veur uch 't ein of 't ander âf te pakken, die dachten dat ger geld bij uch hawt. Die waoren hiël zwart gemaak en die hawwen niks aan. (Vr.: leepen die naaksj?) Jao... Kort nao den oorlog van viërtien-achtiën, in 't begin zoë, dów waor eine dèi ging van Grumme door de bos nao As nao de stasie. En ee haw ene ransel etenswaar bij veur 'n ganse week. En dèi zuut dao, en dèi ging altijd door de struuk (struiken), dèi zat (zette) 'sjtrubbe' (stroppen) - veur biësten hé - en in eine kiër kump dao get âf, ee huurde get riselen: twië, ene kleine en ene groëte, en die hawwen ene parrepluë bij zich, en ee wouw mèt dèi parpluë nao hem snappen, mer toen snapde-n ee hem mèt zene nak, en toen snapde ee heum ouch mèt zene nak, en zoë stóngen ze tegenein te vreigelen (worstelen) en toen kaom dèi kleine van achter bij, en dèi gaof hem enen hak, enen hak van zene schoon (schoen) tegen zijne, zjus tegen zijne buik op, en dèi, 't understeboven en eweg, dèi blèif neet mier allein. Toen waor er mèt dèi allein, aan 't wringen, ee losde neet en dèi losde ouch neet. En dèi haw de steel vas en ee haw de berliene (baleinen) vas. En in eine kiër, rótsj! zèit er, zag er, ram door waor er. En dèi achtereuver, ram veur doëd, dèi haw zeker ouch get in z'n han (handen) wat scherp waor. En dèi op de löüp. 'Jà, en toen stóng ich dao mèt mene stek allein', zag er, haha! 'en toen ging 't ouch nog regenen!' 'Jao, en die waoren peëkzwart (pikzw.) en die hawwen niks aan', zag er, 'want ich heb hem zeker zijn hiël tiënen en zen hiël wrijven opeingestamp', zag er, 'ich stampde mer.'

SINSAG 1320 - Andere Räubergeschichten.    SINSAG 1320 - Andere Räubergeschichten.   

Vroeger liepen er naakte rovers rond, die zichzelf zwart hadden geschilderd. Een man die van Opgrimbie naar het station van As ging, werd benaderd door twee rovers die hem met een paraplu wilden slaan. Na een lang gevecht lieten de rovers de man met rust en liepen weg.

P. Knabben, Leuven, 1970

4. Historische sagen

limburgs (maasvallei)

M/XIX/128

Vlak na WOI

fabulaat

Bandopname

Maasmechelen    Maasmechelen   

Opgrimbie    Opgrimbie   

As    As