Hoofdtekst
Overtijd wo ’t er overal thuus geweven. Mijn moeder woef (weefde) wok. En een ander vrouwmins wok. Mijn moeder hee dat vrouwmins goed gekend. Heur moeder wos dood. Dat vrouwmins had een novene beloofd mo ze had het nooit gedoan. En zij en mijn moeder zoater in de weefkoamer. ’t Wos nen weefkoamer met een voldeure, en een voute doarboven.En dat vrouwmins zag oltied de verschijninge van heur moeder in dat zoldergat. En ze zag ze weere o ze gienk goan sloapen. En ze zeien heur dat ze mo este vroagen wuk dat het wos. En ze zei: zijt ge van God gezonden, zeg vanwoar da je komt, zijt ge van de duivel gezonden: verdwijn.En de verschijninge zei dat ze moste lezen aan een kruis ip de boane van Menen noar Legem. En ze moste negen doagen lang goan no dat kruis en lezen hetgeen dat ipgeleid wos. De eersten avond ging ze niet olleene. En de verschijning wos doar en zei da ze moste olleene komen. En dat vrouwmins heet dat gedoan. En ze is oltied maar moagerder geworden en achternoa is ze ziek gekomen en ze is vier moanden doarachter gestorven.
Onderwerp
SINSAG 0402 - Die versäumte Wallfahrt (Messe, Gabe)   
Beschrijving
Een vrouw had beloofd om voor haar moeder een noveen te doen, maar ze had die belofte niet gehouden. De vrouw zag het beeld van haar overleden moeder altijd in het zoldergat. Op een dag sprak de vrouw tot de geest: "Ben je door God gezonden, zeg dan vanwaar je komt. Ben je door de duivel gezonden, verdwijn dan". De geest zei dat de vrouw negen opeenvolgende dagen moest gaan bidden bij een kruis op de weg van Menen naar Ledegem. De eerste keer ging de vrouw niet alleen. Bij het kruis verscheen de geest met de woorden dat de vrouw alleen moest komen. De vrouw deed wat haar gevraagd was. Ze werd echter steeds magerder en magerder. Vier maanden later is ze gestorven.
Bron
H. Van Wassenhove, Leuven, 1967
Commentaar
1.4 Luchtgeesten
west-vlaams (groot-roeselare)
100
Moeder van de informant
fabulaat
Naam Locatie in Tekst
Roeselare   
Plaats van Handelen
Ledegem   
Menen   
