CDEWA0230_0230_16125 - Kelder vol kikvorsen

M’n moeder was weze en was in dienst op ’n boerhof. Ze gieng ip ’n zekeren dag no de kelder. (Vroeger woaren d’er gin ontromers. Ze deên de melk in grote èèrden teelen (kommen) in de kelder zetten, om te verzeuren en dovan beuter te kèèrnen). Ip da boerenhof nu kwam ’t er geregeld ’n vrouwe achter beuter en eiers. M’n moeder gienk dus e ki no de kelder en ol die melkteelen zaten vul puten (kikkers). Ze staken de schuld ip die vrouwe die achter eiers en beuter kwam, omdat ze meer koste dan broad eten. Die boerinne ip dat hof had zes jeugdige schone joenge dochters, de schoanste van heel ’t dorp. Da bazinne werd benauwd dat da wuuf kwoad zoe gedoan èn an heur dochters. Ze gieng road vragen an de paster. De paster gaf poasnagels mee, die je moest oender de zulle (stoep) steken van de vordeure. De puten verdwenen uut de kelder. Z’èn die vrouwe noait nie mè ip ’t hof gezien. Da was ol deur de macht van die poasnagels. Mien moeder èt da beleefd.

SINSAG 0582 - Hexe schickt Läuse, Flühe, Mäuse.    SINSAG 0582 - Hexe schickt Läuse, Flühe, Mäuse.   

Een weesmeisje werkte op een boerderij waar geregeld een vrouw boter en eieren kwam halen. Op een dag trof het meisje in de melkteilen in de kelder allemaal kikkers aan. Men geloofde dat de vrouw die eieren en boter kwam halen voor de ellende verantwoordelijk was. Nadat men paasnagels onder de dorpel had gestoken, waren de kikkers verdwenen. Die vreemde vrouw is daarna ook nooit meer langsgekomen.

C. Dewaele, Leuven, 1967

2.1 Heksen

west-vlaams (oostkust)

326

Moeder van de informant

fabulaat

Westkapelle    Westkapelle