MDESC0146_0146_15158 - Zwarte bol wijst schat aan

Louise Tand e dat nog verteld. Oe ze naor Ieper achter baolt moste, nao ’t steej, mi neur vaoder - en dat gebeurde biest d’n winter, da ’t klaore maone wos, dan ze gin lantèr’n most’n ên - ’t wos daor oltied e grote zworte bolle, nie verre van tulders, die oltied weg en were over de roete rolde, nu e keeje olier of oldaor, oltemets teg’n de vorpot’n van de pèrd’n, ezo en ender verre, wel e kleen kartje; en ommekeeje, ze rolde weg in d’n oek van e diek, teg’n en aoge, roend en ofsteej, dao vodder. En bienst d’n nacht an ze passird’n, ze dust’n nooit gaon kiek’n. Mao bienst d’n dag oltemets, ze gieng’n gaon kiek’n; mao ’t wos dao niet’n te zien. En enige jaor’n nadien, ’t wos e keeje en ander’n boer die dao gienk gaon weun’n, up die ofsteej, da ze neur ossan gienk gaon verberg’n. En ’t wos dao e kleen oevertje, tussch’n d’n diek en d’aoge. En dien boer doof dat of, of dei dat ofdelv’n. En an ze dao an d’n oek kwam’n, bie d’aoge, up de platse wao da die bolle neur gienk gaon verberg’n, ze dov’n, en ommekeeje, ze kost’n gin weg meeje: ze stekt’n up etwot, en ze kost’n gin weg meeje. En ze dov’n ’t oof bloot, en ’t wos e kleen vierkant kofertje, en ’t wos nogol zwaor. En ze gieng’n dermei nao ’t of. En ze dein ’t op’n. En dat er vele geld in zat, vele goed geld! En ze wild’n ên da die bolle, da dat etwodde ad en will’n bedud’n, of bekenn’n; mao die bolle e koste ’t nie zegg’n.

Een vrouw die tijdens de winter bij volle maan samen met haar vader naar Ieper ging, zag in de verte een grote zwarte bol heen en weer over de straat rollen. Op zeker ogenblik rolde de bol tegen de haag van een nabijgelegen boerderij. 's Nachts durfden die vrouw en haar vader nooit te gaan kijken naar de bol, maar overdag deden ze dat weleens. Een jaar later kwam er een andere boer in die boerderij wonen. Die boer liet een gedeelte van het land omgraven. Op de plaats waar men de bol altijd had zien rollen, ontdekte men een klein zwaar kistje dat vol geld zat.

M. Deschrijver, Gent, 1961

4. Historische sagen

west-vlaams (poperinge en omstreken)

316

Tante van de informant

fabulaat

Poperinge    Poperinge