JVENK0172_0173_10230 - Terugkerende doden kloppen op het venster

Dao aan ’t puertje woe Zjaak De Knoêr woênt, dao wuore maar ein of twie hoezer; dao wuore bekans gein hoezer aan ’t puertje (dao hauwe ze ‘ne hof), mesjien e stök of drie: Jaakske Dreesen en dao nièven en de groêtmoeder. Dao wuore maar drie hoezer aan ’t puertje, anges stong dao geinein hoes dao. En die hauwe dao van den auwe kèrkhof hiej drek van dao opgevöld want dat wuore gater. Maa op enen aovend, dao waas zoe ’n kamer, dao waas wal kafee of zoeget gewaes; of dat ze kafee dao hauwen of neet hauwe, ich weit het neet. En opziej wuore vinsters die op daen huof oetkième, en het waas liêlik waer: het wejde en het riègende en het daeg zoe liêlik, en in eine kier klop mich dao eine drie kieren op de roët (ruit). Dao waas niks, dao kosj nieme neet in daen huof komme want dae waas aafgemaak. Drie slaeg. Ja, d’n eine kiek d’n angeren al ins aan. "Waat is dat?" Ze versjrikde zich al; laat in d’n aovend. Dao kaem geine mins in d’n huof. En e bitsje daonao weer drie slaeg en de haore ginge hun bekans rech op hunne kop, he. Dow vuer d’n derde kier drie hiêl hel slaeg! Now moot get gebäöre want tant Meria en de vrouw van Prevot waas ouch dao hiej en mie vader. En ze wuore zoe wit as e liëk. En eine hauw de kinkè gesnap en in dat den derde daag kaem… ene donderslaag en het hiel hoes daverde. En die nao buove, loupentaere en sjrieventaere nao buove. Waat is dat dan gewaes? Want mie groetmoeder haet het mich dèk vertèld en dat is ’n aud mins, dat ze zag: "Oze Baer - dat is mie vader - es dae dat vertèlde, dae kraeg altied de hinnehoed (hennehuid) op ze gezich". De zuus waat dat dèk kan doen mèt het sleipe van knuek van ene mins. Dat wètste neet.

SINSAG 0456 - Der Poltergeist im Hause    SINSAG 0456 - Der Poltergeist im Hause   

Een man had de kuilen in zijn grond opgevuld met aarde van op het kerkhof. Op een stormachtige avond werd er driemaal op het raam geklopt. Hetzelfde gebeurde nog tweemaal opnieuw. De derde keer weerklonk er een luide donderslag, waardoor het huis daverde op zijn grondvesten. Doodsbang liepen de mensen naar boven.

J. Venken, Leuven, 1968

1.4 Luchtgeesten

limburgs (maasvallei)

156

fabulaat

Stokkem    Stokkem