STOP0346_0347_21625

Ze dein zieder moorden. Ze kropen up de zolder en in de stollage. Mijn vaders moeder, Suzanne Candelaere, wunde in ’t Vrijbus. Ze woren zieder e keer nor de mart gegon en den uppersten van de bende ging mee met heur. Je wos dor stief ten huze. "Suzanne", zeiten, "wor gaa je nortoe met de beutermande?" "Nor de mart", zei ze. "’t Is nu geen tijd dorvoren want ’t is twolve van de nacht." Ze lieten ol halen up ’t hof wuk dat ze nodig hadden. Ze wos zij niet benauwd van leed gedon te zijn. Den uppersten betrouwde’t nog niet stief en je ging mee, den oeden Bakelandt, nor heur huus. Dat wos èn hofsteê van e koppel peerden. Binst dat ze ’s navonds e pupe smoorden bij de stove, z’hoorden ze ’s navonds gon up de zolder achter graan en ze lieten ze gon. Ze lieten ze zieder doen wuk dat ze wilden. En z’één zieder nooit geen kwaad gedon geweest. Dat wos e grote bende. Z’één zieder zukke indelikke wreê moorden gedon. Ze braken in wor dat ze beesten geleverd hadden en o z’ulder tegenweerden, ze vermoordden ze. Babbe Stute, dat wos e vromens die dorin meespande, en ‘k weet niet wuk dat er dor ollemale inzat. En z’an etwor èn huus wor dat z’olles vergorden en bij mekor kwamen om de buut te delen. En ol dee die ulder niet tegenweerden, ze dein ze geen leed.

SINSAG 1320 - Andere Räubergeschichten.    SINSAG 1320 - Andere Räubergeschichten.   

De bende van Bakelandt maakte zich schuldig aan moord. Een vrouw die in het Vrijbos woonde, ging met een mand boter naar de markt. Ze werd begeleid door Bakelandt, die zei: "Het is nu geen tijd om naar de markt te gaan; het is middernacht". Die vrouw liet de bende van Bakelandt maar begaan. Wanneer ze 's avonds gestommel hoorde omdat de rovers op haar zolder graan gingen halen, liet ze alles betijen. De bende van Bakelandt heeft die vrouw nooit kwaad gedaan. De rovers pleegden vooral inbraken bij mensen die dieren hadden verkocht, omdat ze wisten dat daar geld te halen viel. Mensen die zich verdedigden, werden vermoord. Bij de bende was ook een vrouw. De rovers hadden een huis waar ze bijeenkomsten hielden om hun buit te verdelen.

S. Top, Leuven, 1964

4. Historische sagen

west-vlaams (vrijbos)

209A

Grootmoeder van de informant

fabulaat

Babbe Stutte
Bakelandt

Suzanne Candelaere    Suzanne Candelaere   

Bakelandt (bende van)    Bakelandt (bende van)   

bende van Bakelandt    bende van Bakelandt   

Oostnieuwkerke    Oostnieuwkerke   

Vrijbos    Vrijbos