PKNAB0166_0167_6479 - Vuurman: verklaring verschijnsel

en dan de vuurman. Dat waor, in de verbeelding van de minsen, ene: VUUR-BOL, dèi door de loch zwèifde. En nów zoudt ger zeggen dit: is dat nów werkelik ollemaol inbeelding gewèis van de luj, dèi zwèivende vuurbol? Ich gelöüf het neet. Omdat ich werkelijk, oëjt zelf zoë 'n zwèivende vuurbol gezeen heb. Het is gewèis, dus 's vrijdags, zoë rónd 'n oor (uur) of veer. De Maas, die waor op 't punt van uit, uit heur bèdding te kómmen, en veer woënden dao dus achter de knaar (kanaal), en ver zijn verschillende kiëren ónder water geloupen. En ómdat het gevaor get groët waor, zagten mijn auwers (ouders), ich waor de jóngste van ollemaol, 'veer gaon nao de vreugmès, want, iër den dâg um is, stoon ver ónder water. En ze zijn nao de vreugmès gegangen, ich stóng op, en ich steeng (stond) buiten, het waor zoë grauw, het waer nog neet klaor, het waor ouch neet miër dónkel, laot ós zèggen 't waor de schemering, betrèkkelik klaor, en op zeker ougenblik heb ich werkelik - wat die luj ouch waarschijnlik den einen of den angere 'zeen hebben en dao ene vuurman van gemaak hebben - ich heb werkelik zoë ene vuurbol zien zweven. Neet op 'n reuzenhuugte (hoogte) huur! ...PK: (allè?)Nein. Neet op 'n reuzenhuugte. En, ich heb dat vertèld g'had, en de meister Doemen (Doumen) zaliger, woë ich het aan vertèld heb, dat waor menen ónderwijzer, dèi zag dat dat 'meugelik' waor. In dèin tijd waor 't nog miër moerassig as nów. En dat zouden dus moerasgassen kunnen geweest zijn, die zich dus, gas gevormd, die zich dus gevormd hebben, om verder te drijven op de wind. 't Is meugelik...

SINSAG 0220 - Andere Begegnungen mit dem Feuermann    SINSAG 0220 - Andere Begegnungen mit dem Feuermann   

Op een vrijdag omstreeks vier uur 's ochtends zag een jongen bij de Maas de vuurman verschijnen in de gedaante van een grote vuurbol. Zijn onderwijzer vertelde hem dat het wellicht moerasgassen waren, die door de wind werden voortgedreven.

P. Knabben, Leuven, 1970

1.3 Vuurgeesten

limburgs (maasvallei)

M/IV/25

Kindertijd van de informant

memoraat

Bandopname

Maasmechelen    Maasmechelen   

Maas    Maas