STOP0165_0165_21058

Ten dien tijde woren er droeve menschen die e bitje geleerd woren. En ze kosten zieder van olles oender ander perels oflezen, bloed doen stollen. Perres wuuf van Vladslo had e meischge en z’an nor den dokteur geweest om e tand te laten trekken. En dat bloedde ol e dag en e nacht. Dat vromens kwam met dat meischge nor thuzent. "Kamiel", zegt ze o ze binnenkomt, "kijkt e keer nor mijn meischge, heel heur moend staat in bloed." "Kamiel,"zegt ze, "’k èn ik hoord daj gij dat kud oflezen, zoej gij dat niet willen doen?" ‘k Zeggen: "Jaa’k, ‘k gon ik dat doen mor ‘k wenschen ga’k ik dat nog kunnen?" ‘k En ik e portefoelje en dat zit dor in en dat wos heel gescheurd. ‘k En ik dorachter gezocht en ‘k vroegen ik toene an dat meischge: "Kuj gij lezen?" "Bajaak", zei ze, "Kamiel". Z’e zij toen heur kruis gemakt en dat gebed gelezen en ze moste zij toen nog drie onze vaders en drie weesgegroeten lezen en dat wos toen gedon. O ze zij dat ofgelezen hadde, heur moeder stoend buten tegen mijn dochter te klappen en ze riep: "Moeder! Kijk!", zei ze, "’t is gedon!" Dat is wor gebeurd wè!

SINSAG 0750 - Andere Zauberei.    SINSAG 0750 - Andere Zauberei.   

Vroeger waren er mensen die over bijzondere krachten beschikten, waardoor ze bijvoorbeeld parels van de ogen konden aflezen of bloed konden laten stollen. Een vrouw uit Vladslo was met haar dochter naar de dokter geweest om een tand te laten trekken. Omdat de wonde maar bleef bloeden, ging de vrouw met haar dochter naar zo'n man die kon genezen. De man haalde een gescheurd briefje uit zijn portefeuille. Het meisje moest een kruisteken maken en het gebed op het briefje voorlezen. Daarna moest ze nog drie onzevaders en drie weesgegroeten bidden. Daarna was het meisje genezen.

S. Top, Leuven, 1964

2.2 Tovenaars

west-vlaams (vrijbos)

82E

memoraat

Woumen    Woumen