PKNAB0420_0422_6839 - Vermeend heksendier was wellicht 'n kat in de strop

Twië jóngkgezellen, Wullem en Zjef, dat waoren zoë 'n fillesofen, hé, en dan ouch, bijgelöüvig, jà, en mèt heksen, wat die allemaol mètgemaak, es ger die huurde vertèllen, dan zagt ger zoë: 'Jao, mer dat kan neet anders as waor zijn hé.' Mer es ger uch dan tegooi bedach zoë, wat zou kónnen zijn, hé, ich gaon uch e veurbeeld zoë e geval ins vertèllen, ich zal d'r nog wel miër hebben. 'Mij broor Zjef' zag er, - dat waor Wullem en Zjef, die kosjten zo smakelijk spreken hé - 'mij broor Zjef ging koren zichten daoboven' zag er, en - de katten waoren het meiste heksen hé, dat verstaot-der (ge) hé. Wen (als) ze'n kat zaogen hé, waoren die al bang hé, of dat 'n heks waor -, en mij broor Zjef, zag er, dèi ging 's mörges om drij oore koren zichten en ich zou hem dan 'n oor d'rnao of zoë nagegoon, en wat gebeurde? Er waor nog gein hawf oor eweg, dao kaom er trug. Jà, wat is? 'Och zag er, zoë dek es ich inhauw (in-sla) mèt de zich, - ger wèt toch wat 'n zicht is, zoë 'n pik, veur mèt de hand - 'zoë dèk as ich inhauw, zèit er, vluug (vliegt) 'n kat veur mich door.' Jà, en in volle zwèit kaom er bij hun aan hé, jà, 'ich kosj mij broor Zjef neet gelöüven' zag er, 'en ich mèt heum trug, dan zullen ver samen ins goon kijken. En zèg, zag er, wie ich daokaom: woë hebs-te nów gezich Jef?' zag er, 'jà, hie waor ich mijn jaon aan 't aarden'- enne jaon dat is wat ze eedere kiër zoë veurpakken hé - 'en dan zal ich ins inhauwen' zag er 'en ich heef (sloeg) in, en niks te zien' zag er. Mer nów heb ich zoë gedach, dat zal gein inbeelding gewèis zijn, dunk uch dat ouch neet?PK: E wild kätje?Jao, mer, e wild kätje neet.PK: Ein rat of zoëget)Nei, nei, nei, die hèit ein, jà ee waor 'n hawf oor eweg, dèi hèit ene mèiter of tien nao het stuk in hèit dèi âfgehouwen hé, en, in dèin tijd waor nogal veul wild, hé, en wen veul wild is, zijn ouch struipers hé, veur mich hèit die kat in die ströp gehange. Good meugelik. Datdie ströp geplaats is gewèis, en dat is al dèkker gebeurd dat katten woë stroppen gezat waoren veur hazen te vangen, dat jao, evengood hé, es die dao doorlöüpen. Wie dèi-wie dèi dao is beginnen in te houwen, jà, die kat die is dów dao beginnen te sprèngen, ein kat hèit e geweldig leven in hé, en dów hèit er zich veurgestèld dat dat een heks waor die veur hem door spróng eedere kiër es er dao heef (sloeg), verstaot-der (ge)?PK: jàjà.Dunk uch dat neet?PK: Jao, dat kan wâl.Zoë is dat. Mer ee ging op de löüp d'rveur hé oh jao.R: (Vreuger waoren de luj toch bang veur zoëget hé.)

Jef zou om drie uur 's ochtends beginnen met het maaien van het koren, waarna zijn broer Willem hem zou komen vergezellen. Na een half uur was Jef echter al terug. Hij was doodsbang omdat er voortdurend een kat voor de zeis sprong. Willem bood aan om samen met zijn broer te gaan kijken. Toen het tweetal het veld bereikte, was er echter niets meer te zien.
Jef had wellicht een kat in een strop gezien, die telkens opsprong uit angst voor de zeis.

P. Knabben, Leuven, 1970

2.1 Heksen

limburgs (maasvallei)

K/XVI/347

fabulaat

Bandopname

Jef
Willem

Kotem    Kotem