MDESC0102_0102_15044 - Heks weet van op afstand wat iemand doet

Bienst d’n oorloge, ‘k zat’n in ’t ommelof, e ja, ‘k gienk gaon plukk’n, eneeje. En ‘k zitt’n ier, en Fiej zit daor, je wit wel, ezo, lik of dat de koppels ezo zitt’n in en ommelof. En ‘waor’n toen ol grodder, wi. En ‘k smoorde uut e sten’n puuptje. En ‘ k klopp’n ’t uut, en ’t brak. Zeg Fiej: “Me man, is je pupe ebrok’n, dè”? ‘k Zegg’n: “Jaos, Fiej”! En zeg ze: “Germaine”, zeg ze, “lopt e ki zere naor uus; m’ên dao wel nog etwaor een zitt’n”. En ze brochte daor en oede, vule pupe, etwao nog van een van die mann’n die dao waor’n, die hele uutebrand was, mi ezo e grot’n boord an. Je ku gaon peiz’n danke ik dao nie uut e smoorde! ‘k stak z’ik oender de zaote van me stoel. Mao ’s noens, ‘k nam ze toen mei. ‘k Liep zere naor uus achter enige pèr’n, om ezo t’ et’n, eni, tussch’n ’t plukk’n in. En ‘k nam ze mei, en anke bie ’t bus kwam’n, eni, ‘k pakte ze, eneeje, en ‘k smet’n ze zo verre of da’k kuste in ’t bus. En Fiej moste dao nie passer’n; ze kuste ’t nie zien, wi; en ja, ’t wos ollesins e zesoenderd meter vandao. Maor anke werekwam’n in ’t ommelof, zeg Fiej ezo: “Zie j’ je pupe kwiet, dè”? En ‘zegg’n: “Jaok Fiej”! “Mao”, zeg ze, “je moe daomei nie inzitt’n, wi”, zeg ze. En ze gaf mien daor en anger pupe, djuuste dezelfste lik die anger! En z’en ad ollesins nie kunn’n zien danke ze wegesmet’n add’n!

SINSAG 0580 - Andere Hexenkünste    SINSAG 0580 - Andere Hexenkünste   

Een man ging tijdens de oorlog peren plukken om wat geld te verdienen. Tijdens de pauze rookte de man een pijp. Toen hij zijn pijp klopte, brak ze echter. Daarop sprak een heks die daar in de buurt zat: "Wat scheelt er? Is je pijp gebroken? Dat is niet erg, ik heb er thuis nog wel een liggen". Even later werd er voor de man een vieze oude pijp gebracht, die vanbinnen al helemaal verbrand was. Omdat de man de pijp veel te vies vond om te gebruiken, legde hij ze onder zijn stoel. Bij zijn vertrek nam hij de pijp wel mee, maar onderweg gooide hij ze zo ver hij kon in het bos. Toen de heks tijdens de volgende pauze zag dat de man zijn pijp niet bij had, zei ze: "Wat is er? Ben je je pijp verloren?", waarop de man bevestigend reageerde. "Dat is niet erg", vervolgde de heks, "ik heb er nog wel een". Daarop kreeg de man identiek dezelfde pijp als deze die hij had weggegooid.

M. Deschrijver, Gent, 1961

2.1 Heksen

west-vlaams (poperinge en omstreken)

201

Tijdens de oorlog (WOI of WOII?)

fabulaat

Westouter    Westouter