FVANH0085_0086_17741

Der is hier in Anzegem ‘n kapelleke, maar vroeger stond er daar allene ‘n hage.En, ‘s nachts, altijd op dezelfste ure, rond ten elven, waren er daar luchtjes. En dat begoste van in ‘t begin van d’hage. En der zat daar ’n luchtje op, en dat deed niet anders of dansen. En als ’t vijftig meters voorder was, ’t stond hem daar stille en ’t keerde were, ’t stopte, en dat was ommeddekeer dood. En ’t keerde were tot t’ enden d’hage. En de mensen waren vervaard. En dat luchtje ging toen voort tot achter ’t huis en ’t keerde were tot nalften d’hage en daar zagen ze der twee. En die twee deden toen den toer van d’hage, van ’t begin tot t’ende. En als ze were kwamen in ’t midden, kwam-t-er daar nog ’n luchtje bij, dus drie. En dat duurde wel ’n ure eer dat de drie luchtjes t’hope waren. En dat was iederen avond ’t zelfste: eerst één luchtje, achter ’n half ure twee en achter ’n ure drie. En ze waren toen alle drie ommeddekeer weg tot ’s anderendaags.De mensen waren vervaard en ze hebben beginnen lezen. En ze vormden ‘ne stoet om daar te gaan lezen. En op den duur, met dat lezen, bleef dat toch achter. En ze deden altegare ’n belofte van daar ’n kapelleke te bouwen tegen d’hage. En dat kapelleke staat er nog. En sedertdien is-t-er niet meer gebeurd.

Omstreeks elf uur 's avonds zag men bij een haag in Anzegem altijd lichtjes verschijnen. Het lichtje bewoog dansend heen en weer. Een half uur later kwam er een tweede lichtje bij en weer een half uur later nog een derde. Omdat de mensen bang waren voor de lichtjes, begonnen ze te bidden en beloofden op die plaats een kapelletje te bouwen. Nadat de kapel was gebouwd, verschenen de lichtjes niet meer.

F. Van Houdenhove, Leuven, 1967

1.3 Vuurgeesten

west-vlaams (tussen schelde en leie)

22

fabulaat

Tiegem    Tiegem   

Anzegem    Anzegem