RCALL0157_0158_13407 - Tovenaar steekt spelden rond het hart van een pop (Izegem)

Mien skoeonzusters zusters ne vints broere was poater in Kongo. Je was in verlof te Rumbeke en je gienk ne keer ip een hof woa ze geen joengens kosten hoeden. Ze han er veel koebeesten en ze keernden vele. Er woaren ol acht of negen joengens doeod en er lag nu were eentje ip sterven oet de poater doa binnen kwam. Iedere keer dat die joengens roend de negen moanden kwoamen, kwienden ze weg liek sneeuw. De poater vroeg: “hè je misschien vieanden”? “Neeuw” zei da vromins “mo er kommen hier veel minsen achter melk”. De poater zei: “ge moet toch vieanden hebben. Den eersten die hier morgen acher melk komt, moe je doen wachten en zeggen dat de melk nog niet gereed is”. Den eersten die kwam was een die oltied zei: “hoe is’t met den kweek”? en je speelde ne keer met zien voetjes en handjes. Het was nen ipperskoolmeester van Rumbeke. De boerinne zei dat ne een menute of vuve moste wachten. Ze bestelde hem ton, mo je gienk nog nie voeort. Oet roend den achten was, kwam die poater binnen en pakte d’hand, mo die skoolmeester stond nie rechte, van je koste niet. De poater vroeg: “is er misschien geen skoeole, van de joengens stoan ollemolle an de poeorte?” De skoolmeester skoeot zien roeodje (werd rood tot achter de oren). De poater zei: “wa kwoad kom je hier doen, voe nen skoolmeester, mo ge kunt hier nie weg hé. Ge moet hir binnen de vuf menuten were zien met joen kwoad of ge goat oardig kieken”. En weet je wuk dat ne mee ha? een puppe. Ieder keer dat ne bie dat kiendje gewist was, stak ne een spelle (speld) roend het herte van die puppe. En weet je hoevele dat ne d’er nog moste steken? viere. Oet ne de latste gienk steken, in ’t herte zelve, gienk ’t kiendje doeod zien. De poater zei: “en nu moet je kommen met joen boeken, ogf ge ziet joenne post kwiet”. Je kwam of met zien boeken. Oet ze hundre boeken kwiet zien, hèn ze geen macht meer.

SINSAG 0531 - Peinhexe quält einen Menschen mit einer Puppe, in welche sie Nadeln steckt.    SINSAG 0531 - Peinhexe quält einen Menschen mit einer Puppe, in welche sie Nadeln steckt.   

Op een boerderij waar men veel koeien had en geen problemen had met het karnen van boter, kon men geen enkel kind in leven houden. Wanneer de kinderen zo'n negen maanden oud waren, stierven ze allemaal. Toen er weer eens een kind op sterven lag, kwam er een pater langs, die vroeg of de mensen vijanden hadden. "Neen", antwoordde de boerin, "maar er komen hier veel mensen melk halen". Daarop zei de pater: "De eerste die hier morgen melk komt halen, moet je laten wachten met het excuus dat de melk nog niet klaar is". De eerste man die 's ochtends langskwam, werkte in een school en vroeg daarom hoe het met het kind ging. De man speelde even met de voetjes en de handjes van het kind dat in het wiegje lag. De boerin liet de man vijf minuten wachten en gaf hem daarna zijn melk. De schoolmeester vertrok echter nog niet, want hij geraakte niet meer van zijn stoel. Even later kwam de pater langs met de woorden: "Is er geen school vandaag? De jongens staan allemaal te wachten bij de poort!" Daarop werd de schoolmeester knalrood. De pater vervolgde: "Wat voor kwaad kom jij hier doen? En dat voor een schoolmeester! Zorg dat je hier binnen de vijf minuten terug bent met je kwaad, of je zal nog iets meemaken!" Even later kwam de schoolmeester terug met een popje waarin hij spelden stak. Telkens wanneer hij een speld in het hart van het popje stak, stierf er een kindje. De pater sprak tot de schoolmeester: "En nu moet je komen met je boeken, of je bent je werk kwijt". Daarop gaf de schoolmeester al zijn toverboeken af aan de pater.

R. Callens, Leuven, 1968

2.2 Tovenaars

west-vlaams (tielt en izegem)

354

fabulaat

Izegem    Izegem