PKNAB0220_0220_6546 - De Wilde Jacht

De Wilj Jaach, zagten ze. De wilj jaach, dat is, dèkker as ins gebeurd, mer dat waor in de loch, ich heb dat noëts neet gezeen, dan kaom enen dènge in de loch, mèt ene snelle nènd, en dan ging dat v'rbij, en dat waor dan precies of dat mannen waoren en wagels en pèird (paarden), en zoë van dat allemaol, en dao zagten de luj de wilj jaach tegen. Mer wat hèit dat nów veur zin, veur dao de wilj jaach tegen te zèggen, es ger dao geine geschiedenis van gelezen hebt (sic) of geinen uitlèg oëjt (ooit) gehuurd hebt, euver die zaak, wat in de loch gebeurde? Ich heb dat noëts gezeen. PK: en dat maakde dan zoë e lewejt (lawijt) fo get?Nei, jao, mèt enen störmwènd wâs dan d'rbij en, en dan ging dat v'rbij en dan wâs dat precies al wouwen ze zèggen: Kijk, dat is precies, dat is precies es get wie gevech of get, wat truk (lijkt) op oorlog, mer dat wâs 'n bewèiging in de loch, dat waor zoë, dat waoren wolken en dat waoren beelden, dat beeldde zich âf in scheep (schepen) en in pèird (paarden) en in mannen en zoë van dat allemaol. En dao zagten die luj de wilj jaach tegen. En dan waoren ze zoë bang, es ze dat zaogen... Mer dat waor de kleingeistigheid van de luj in dèin tijd hé, veur 't minste waoren ze bang hé.

Wanneer de wilde jacht voorbijkwam, hoorde men een geluid alsof er mensen met paard en kar door de lucht vlogen. Er stak dan een hevige stormwind op en het leek alsof er in de lucht een oorlog werd gevoerd met wolken, schepen en paarden.

P. Knabben, Leuven, 1970

1.4 Luchtgeesten

limburgs (maasvallei)

M/XII/84

fabulaat

Bandopname

Maasmechelen    Maasmechelen