HVANW0017_0018_26071

De broere van den deen die mie da verteld heet werkte ip ’t hof wo dat er nen Duitsche Schoaper wos. De Zundag gienk dee schoaper nor huus. Je gienk ip ne geetebuk en tegen ’s noavends wos ne were. Den boever die nog ne joenkheid wos hadde geren ne keer meegewist. En de Zoaterdagoavend o ze de beesten eten gegeven hebben, zei den boever tegen den boer dat ne meegienk. Den boer ha leute en je vroeg olhoe dat ne gienk goan. "Ewel, met nen geetebuk", zei den boever. Den boer moste nog meer lachen. "Ewè, je zegt hem dadde" zei den boever.Nu, ’s noavends giengen den boever en de schoaper tot buuten de poorte en ’t stoenden doa twee geetebuks de grootte van een peerd. Ze pakten elk een, en ’t wos pertank geen zoals ip "ge moet je niet vasthouden" zei de schoaper "mo ge meugt niet zeggen". Ze zoaten elk ip hunden nen buk en ze woaren weg. Den boever hoaperde onderweg lik en zen broeksbeen was gescheurd. "’t Is niet" zei de schoaper "’t wos an nen kerketorre da je gehoaperd heet". In Duutsland angekommen heen ze zieder doa gildig (duchtig) gegeten en gesloapen, en ’s anderendoags nog een bitje goan wandelen met de schoaper zien wuuf en joengens. Tegen den negenen ’s noavends heen ze were ip hunder nen buk gekropen en tegen ten tienen woaren ze were thuus.

SINSAG 0690 - Fahrt durch die Luft    SINSAG 0690 - Fahrt durch die Luft   

Op een boerderij werkte een Duitse schaper die op zondag naar huis vloog op een geitenbok. 's Avonds was de schaapherder alweer terug op de boerderij. Op een zaterdagavond mocht de paardenknecht een keer met de schaapherder meevliegen. Er stonden twee geitenbokken klaar, die zo groot waren als paarden. De Duitse schaper sprak tot de knecht: "Je hoeft je niet vast te houden, maar je mag niets zeggen". Onderweg scheurde de paardenknecht met zijn broekspijp aan de kerktoren. In Duitsland at het tweetal naar hartelust. De volgende dag maakten ze nog een wandeling met de vrouw en de kinderen van de schaapherder. 's Avonds waren ze alweer terug op de boerderij.

H. Van Wassenhove, Leuven, 1967

2.2 Tovenaars

west-vlaams (groot-roeselare)

38

fabulaat

Duitse schaper    Duitse schaper   

Sint-Eloois-Winkel    Sint-Eloois-Winkel