STOP0101_0101_20890
Een sage (mondeling), 1964
Hoofdtekst
Ze zaten roend Ruddervoorde, Zillegem, Wingene, Zwevezele, den Hille in de busschen. Z’èn zieder in heel West-Vlaandern roend gezeten. Roend Poperinge èn ze twee oede menschen vermoord om ol te plundern. Wat dat ze zieder gestolen èn in de kerken en in de winkels van Ruddervoorde! En z’èn toen de leren gepakt om de offerblokken te plundern. De polischecommissaris van Ruddervoorde ed een gepakt en dat e toen a lingerhand (langzamerhand) uutgekommen. Enn’e toene e verhoginge hèt. Z’èn ol gepakt geweest en t’èn d’er drie onthoofd geweest: Abel en zijn broere en e Deroo. ‘k Weten niet hoe dat zijn voorname is van den dien. ’t Woren dor ook vrouwen bij. D’ander èn gestraft geweest. ’t Wos dor een in van Poperinge die nu losgelaten is geweest. Wor dat z’onthoofd geweest zijn, ku ‘k ik niet meer zeggen. Dat moet in de winter van ’t jor achte geweest zijn want in de zomer van ’t jor negen zijn ‘k ik in ’t klooster gegon en ‘k an toen ol ’t boek gelezen dat ze gemakt an korts achter dat ze zo lelijk gedon an in die winter. ’t Kan ook wel in de winter van ’t jor zeven geweest zijn. De vrouwen èn nogol vele uutgelangd en ’t is dordeure dat ze verminderinge gekregen èn van kot. ’t Is ook vele uutgekommen deur ’t volk die zei, o ze de portretten zagen in de gazettee, "’k èn de die nog gezien." Me zein wieder dat ook o ze thuzent geweest woren.
Onderwerp
SINSAG 1320 - Andere Räubergeschichten. 
SINSAG 1320 - Andere Räubergeschichten. 
Beschrijving
De bende van Pollet vertoefde in de buurt van Ruddervoorde, Zedelgem, Wingene, Zwevezele en 'den Hille' in de bossen. In de buurt van Poperinge hebben de rovers tijdens een inbraak twee oude mensen vermoord. De bende van Pollet pleegde vaak inbraken in de kerken en winkels van Ruddervoorde. Toen de politiecommissaris van Ruddervoorde één van de rovers had opgepakt, heeft de bende niet lang meer bestaan. Drie rovers van de bende van Pollet werden onthoofd: Abel, zijn broer en een zekere Deroo. Die terechtstelling had plaats tijdens de winter van 1908. De andere rovers kregen een gevangenisstraf. Een rover uit Poperinge werd na het uitzitten van zijn gevangenisstraf vrijgelaten. Bij de bende van Pollet waren ook vrouwen.
Bron
S. Top, Leuven, 1964