NGODE0090_0090_27197

Maria: Ajamoa. (…) Mijn nichte, van dat was van heur eiste kind, ze moste (onverstaanbaar) èt heur loaten stoan. Enne dazelfste mens da'k doa zeggen van dat loaken doa had doar ook gewist en dat woar, zieder woaren toen boeren up 21 hectaren. … Enne, ze goenk noa doa en ja, 't moeste toen gewied worden. Ge moste op je knieën zitten hee, moa nu doen ze dat niet mei, 't is nu ol de machine, moa toen moest je up je knieën een heile dag en ja, kruupn zeggen ze hee op je knieën en gow voe 't wied uut te trekken en in de veure te smieten. En achternoar toen de veure te kuusjen hee. En z'had zi ook bi Margriet gewist. Margriet had toch ook een oengelukkig kind. Z'had pertangs niet meir gedoan of azo: moa Margriet toch, zei ze, moej gi nu, zei ze, in de smeirlapperie zitten. En ze was gewend met heur andere zuster van 't seizoen te doene. En jama, zei ze, 't moet thuus ook gedoan worden, zei ze, moeder kan 't niet al doen. Met acht joengens. En heur eiste kind was ook een oengelukkig, wat zeggen ze nu, een mongooltje.Rachel: Jah, niemand wit er van woa dat dat voort komt. Niemand wit dat.Nele: En konden ze hun macht doorgeven aan hun kinderen?

SINSAG 0580 - Andere Hexenkünste    SINSAG 0580 - Andere Hexenkünste   

Een vrouw had ongeluk gekregen nadat ze bij een heks onkruid was gaan wieden.

N. Goderis, Leuven, 2003

west-vlaams (torhout en omstreken)

9uu

fabulaat

Torhout    Torhout