JVENK0426_0427_10715 - De jood van Stokkem bijna bekeerd

In Stokkem, he, dao woenden ene slechter en dae hauw ouch ene broor. Dat waas ene Pots, Pots hètde dae. Dae woende oppe Rechtestraot. En dae Pots, dat wuore Judde, dat wuoren allemaol Judde. Dae mins kaam ueveral duor Dilse viê koupe. Maa, op zièkeren daag kaam er biej os, biej me groetvader, dao waas er hiel eigen en dae hauw altied nogal viê. Dow zag er: "Kanten, höbste mich neet get oppe stal stuon?" En wie er hètde wei ich neet mier. Die hauwen ene naam ouch nog, mier es Pots. Dao wuore ter twie in Stokkem, Hirsj en Pots. Op zièkeren daag kaam er en dow waas het hiej missie gewaesd in het dörp. Dow kaam er en dow zag de groetvader zoe tiègen hem: "Zèg", zag er, "das dich toch neet nao de kèrk geis, dat verstaon ich toch neet". "Ja", zag er, "wièr Judde, waat wille wièr nao de kèrk guon?" In Beegd dao waas ein, in Beegd, effekes de Maas uever dao stong zoe e joedentempelke. Of het nog is weit ich neet, maa het haet dao altied gestange, zoelang as ich gewièten höb. "Ja", zag er, "jaja, de moos dich dao toch ins op naodènke, en ich", zag me groetvader, "ich help dich. De kumps maar ene kier hiejer mèt de vrouw. Ich help dich, dan lier ich dich get oet de katechismus. De ieste klein vräögskes oet de katechismus lier ich dich allemaol. Este dat kèns" zaet er, "dan bèsten al braaf wuud gevorderd. Dan kon ver ins nao de pestoer guon, dan zul ver dae dat ins zègge. Wer höbben hiej ene gooie pestoer, enen hielen auwerwètse pestoer", zag er, "en dae hulp os daoin." Ja, dat waas good, he. Dae mins dae ging daomèt beginne. En iè kaam… Iè hauw zoe ’n ach daag dae Pots geliêrd. Dow ’s nachs kriège die allebei e suort beslaag van de sjrik, ene bloedopdrang, ene bloedstilstand en dow luoge ze ’s mörges allebei wie verstikt in ’t bèd. Die hauwe zoe ’n alkoof in de kamer väör, en die gaaf oet duor de moer. Aan dae kant wuore twie duerkes en aan deze kant wuore twie duerkes, dao biej mich in het auwers hoes. ’s Nachs stong de hiel kamer vol duvele, allemaol lielike zwarte suorte ongedeerte, van alles. Die minse luoge ’s mörges wie stief van de sjrik. Dat waas van dae Pots te wille bekiere.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

In de Rechtestraat in Stokkem woonde een jood. Bij een man uit het dorp ging de jood altijd vee kopen. Toen er missie was in het dorp, sprak de man tot de jood: "Ik begrijp toch niet waarom jij nooit naar de kerk gaat". De jood ging altijd naar het jodentempeltje in Beegd. De man bood aan om de jood iets uit de catechismus te leren, zodat hij naar de kerk zou kunnen gaan. Toen de jood en zijn vrouw al acht dagen bij de man in de leer waren geweest, werden ze op een nacht angstig wakker. De kamer stond vol met lelijke zwarte duivels die niet wilden dat de jood en zijn vrouw zich bekeerden.

J. Venken, Leuven, 1968

3.1 Duivels

limburgs (maasvallei)

528

Grootvader van de informant

fabulaat

Pots
Kanten

Jodentempeltje (Beegd?)    Jodentempeltje (Beegd?)   

jood    jood   

Dilsen    Dilsen   

Stokkem    Stokkem   

Beegd (?)    Beegd (?)   

Rechtestraat (Stokkem)    Rechtestraat (Stokkem)