STOP0345_0346_21623

’t Wos e Duutsche schaper enne wrochte bij e boer, e schapboer. En ’t wos dor een die wilde e popperietej (potpourri) maken. En die boer wos geweune van bezoek te krijgen van e vromens. Zo, o ze gildig eten an met dat vromens, zegt die Duutsche schaper: "Hoed vast." En de boer moste achterzeggen: "Hoed vast". En ze wos bezig met d’assiete (bord) uut te lekken en den boer ging nor die vrouwe enne zei: "Hoed vast." En die tellore hing an heurne moend. En ’t kaam e koe buten en de boerinne ging die koe gon tegenhoeden. "Hoed vast", zei de schaper. Zo die boerinne hoeng an die koe, enee en de koeiwachter kaam dorbij enne pakte de koe bij de steert. "Hoed vast", zei de Duutsche schaper, en die koeiwachter hoend an de steert van die koe. En ’t goeng dor èn andern om die koeiwachter of te trekken. "Hoed vast", zei de schaper, en dien andern hing er ook an. Zo toen, ’t kaam dor een met ne boendel rapen voor die koe. En dien andern stoend dor met dien boendel rapen. "Hoed vast", zei de schaper – mor de boer moste dat ollemale achterzeggen –. Zo binst dat de koe bezig wos met t’eten wilde de morte dat wegpakken. "Hoed vast", zei de schaper. "Hoed vast", zei de boer en die morte bleef er ook anhangen. Dat is nu die popperie.

Op een boerderij werkte een Duitse schaper. De boer kreeg vaak bezoek van een vrouw. Toen die vrouw daar had gegeten en haar bord aan het uitlikken was, zei de Duitse schaper: "Houd vast". De boer moest deze woorden herhalen. Het volgende ogenblik bleef het bord aan de mond van de vrouw hangen. Er kwam een koe naar buiten en de boerin wilde het dier tegenhouden. "Houd vast", zei de Duitse schaper, waarop de boerin aan de koe bleef plakken. Toen de koewachter het dier bij de staart vastgreep, zei de schaper "Houd vast", waardoor de jongen aan de staart bleef plakken. De boer wilde de koewachter lostrekken, maar daardoor bleef ook hij vastkleven, want de Duitse schaper had weer "Houd vast" gezegd. De meid wilde de rapen van de koe wegnemen, waarop de Duitse schaper zei: "Houd vast". Ook de meid bleef vastkleven.
De boer moest de woorden van de Duitse schaper altijd herhalen.

S. Top, Leuven, 1964

7. Sprookjes

west-vlaams (vrijbos)

204V

fabulaat

Duitse schaper    Duitse schaper   

Oostnieuwkerke    Oostnieuwkerke