HVANW0091_0092_26261

De kinders Claerhout weunden in de Reperstrate. En dat wos een hof woar dat ze olle joare nen oest hadden om nen dag en een getij te desschen. En de Van Groenwegens hadden een desmachine. En iedere keer dat Claerhouts die machine hadden, en ’t mochte ’t schoonste were van de wereld zijn, tegen datze gedoan hadden met desschen regende het. En Treze Pannekoeke passeerde doar iedere keer ozze aan het desschen woaren. Ze hadde de noame dat ze entwadde meer koste. Ik hee heur nog gekend van posteure. Ze weunde zij aan de Tinne Pot. En der woaren drie knechten ip het hof: Staf, Juul en Brikken. En Brikken die de mechantsten wos, wos zo dul dat ne riep: "’k gao ze doodsschieten." Want ze woaren doar zo zeker van dat ’t goenk regenen dat de dekkinge oltied gereed lag bij de schelven want hadden ze ze moeten goan hoalen, de schelven goengen ol kletsenat geweest ghet heen. Ik hee nooit gegloofd aan spoken en toverij mo dat is toch entwadde dat kik zelve beleefd hee, want ik hee joaren de stromiete goan zetten bij Claerhouts.

SINSAG 0580 - Andere Hexenkünste    SINSAG 0580 - Andere Hexenkünste   

Op een boerderij had men ieder jaar een goede oogst, zodat men de dorsmachine van enkele mensen uit de buurt moest gaan lenen. Telkens wanneer de mensen met de geleende machine klaar waren met dorsen, begon het te regenen. Een vrouw uit de buurt, die ervan verdacht werd te kunnen toveren, kwam altijd voorbij wanneer men aan het dorsen was.

H. Van Wassenhove, Leuven, 1967

2.1 Heksen

west-vlaams (groot-roeselare)

222

memoraat

Treze Pannekoeke    Treze Pannekoeke   

Emelgem    Emelgem