STOP0134_0135_20970
Een sage (mondeling), 1964
Hoofdtekst
’t Ligt dor èn hol in ’t bus. ’t Is dor e café, "’t Meuneken" wor dat ze zein dat ze vergorden met de mannen. Bakelandt liep roend wor dat me wieder nu wunnen. De namen van de dreven zijn nog oltijd gebleven zo bijvoorbeeld de Hoogdreve, dat is nu veranderd in de Schoolstraat, de Paardedreve, de Minnedreve. Ze spreken nu nog oltijd van ’t Bakelandts bus. Wieder beweren dat er nog vele afstammelingen zijn van Bakelandt, want o me wieder met de kinders uutgon zeggen de menschen: "Bakelandts bende is dor." Me gingen e keer nor ’t lof nor Tjoenkershove met heel ’t schole. En oenderweg stoend er dor e joengen van e jor of zestiene in ’t deuregat enne zag uus ofkommen enne riep nor binnen: "Bakelandts bende is dor!" En ik an dat hoord en ik zein toen tegen hem: "Jaa’t, Bakelandts bende is hier en ik zijn de hoofdman d’ervan." Bakelandt wos de schrik van heel de streke. ’t Vichten, ’t liegen en ’t pakken zit nog in den aard van die kinders. ‘k En ik nog dikwils hoord dat Bakelandt deserteur wos uut ’t Frans leger en dat ze mor gestolen en gemoord èn uut nood omdat ze verscholen zaten in de busschen. Ze zoen zieder mor bitter weinig gedon èn en ze zoen mor gemoord èn o ze niet verder kosten. Bakelandt ging up reize lik e groten menere. Enne ging nor de cafés de kooplieden ofluustern wuk dat ze kochten of verkochten om ze toen up d’een of d’andre maniere an te vollen. D’andre gingen misschien ook wel uut. De vrouwen en de joengens bleven in ’t bus, in ulder huziges van plak en stak.
Onderwerp
SINSAG 1320 - Andere Räubergeschichten. 
SINSAG 1320 - Andere Räubergeschichten. 
Beschrijving
In café ''t Meuneken' in het bos vergaderden de leden van de bende van Bakelandt. Later sprak men nog steeds van 'Bakelandts bos'. Een zuster ging met een groep schoolkinderen in Tjoenkershove naar de mis. Onderweg stond een jongen van zestien jaar in de deuropening te kijken. Toen hij de kinderen zag aankomen, riep hij: "Bakelandts bende is daar!" Daarop antwoordde de zuster: "Ja, Bakelandts bende is hier en ik ben de hoofdman van de bende!" De zuster was ervan overtuigd dat er onder de kinderen nog veel afstammelingen van Bakelandt waren. Sommige kinderen konden het vechten, liegen en stelen namelijk niet laten. Bakelandt zou een deserteur uit het Frans leger zijn. Zijn bende zou uit noodzaak hebben gestolen en gemoord. Bakelandt ging vaak gekleed als een heer op stap, zodat hij van de cafébezoekers en de kooplieden kon vernemen welke mensen geld in huis hadden.
Bron
S. Top, Leuven, 1964