STOP0331_0331_21584

Up ne zekern dag ulder moeder had e sjèten baai (saaien pull-over) an. En up e dag zegt ze tegen heur dochter: "Kijkt e keer wuk dat er in mijn baai zit, ’t is lik ol beesterij." En heur dochter gaat gon kijken en je zat vul luzen. Enne ze stak hem in de stove. Ze brandigen hem up en ze moste ’t deksel hard vastehoeden of je ging er nog uutspringen. En ’t wos ene van de dochters die zei: "Ik gon nor de paters nor Steenbrugge en ’t moet e pater kommen. En je moet hier e keer e hele nacht up de zolder roend wandeln." En je las ne hele nacht en dat kwaad wos in ene keer weg. En ’s nuchtens, ne zegt: "Haalt e keer e metsenare". En ze ging toen achter ne metsenare en die metsenare komt en de pater zegt: "Kapt e keer hier an de voordeure de zulle los." En je kapte dat los en je steektedor e gewijde medalie in. En ze deen dat an ol de zullen van de butendeuren. En up zekern dag, ’t regende. Oh, ’t goot water! En ’t komt dor e vromens gelopen in ol die regen. En ’t zegt een van die dochters: "’k Gon ze doen in huus kommen." "Komt zere binnen!" zegt ze, "je gaat rotenat (doornat) zijn." O z’an de deure komt, te kaam niet binnen. ’t Koste niet binnen. En zegt de dochter: "’k Eén ’t gepeinsd dat dat van heur wos dat ol dat kwaad hier wos. Ze ku nu an ons niet meer. ’t Is nu ol verzekerd."

SINSAG 0580 - Andere Hexenkünste    SINSAG 0580 - Andere Hexenkünste   

Een vrouw gooide haar trui in de kachel omdat het kledingstuk vol luizen zat. Samen met haar dochter moest de vrouw het deksel van de kachel stevig dichthouden omdat de trui er anders zou uit springen. Eén van de dochters van de vrouw liet een pater van Steenbrugge komen. De pater bleef een hele nacht op de zolder om te bidden. De volgende ochtend sprak hij tot de mensen: "Jullie moeten de dorpel bij de voordeur door een metselaar laten weghalen, zodat we er een gewijde medaille kunnen onder steken". Men deed dat bij de dorpels van alle buitendeuren. Toen het op een dag hard regende, zag één van de dochters buiten een vrouw lopen en zei: "Ik zal haar vragen of ze wil binnenkomen". De vrouw kwam tot bij de deur, maar ze geraakte niet over de dorpel. Zij was verantwoordelijk voor het kwaad.

S. Top, Leuven, 1964

2.1 Heksen

west-vlaams (vrijbos)

199H

fabulaat

Steenbrugge (paters van)    Steenbrugge (paters van)   

paters van Steenbrugge    paters van Steenbrugge   

Oostnieuwkerke    Oostnieuwkerke   

Steenbrugge    Steenbrugge