PVAND0009_0009_20784 - Waterduivel verwekt spookvuur en vergezelt voetgangers in Pittem

In Pittem was dadde. ’t Was daar een beke en o j’ daar ten halven van de nacht passeerde, zat d’r daar ordinairlijk n’een hond met n’een keten aan en da maakte veel geruchte maar ’t zag da nooit niemand. M’n broere goenk ne keer aldaar ’s nachts en je dei z’n paraplu open omdat ’t een beetje regende en je komt an die beke waar dat de waterduvel zat en amenekeer juste over de beke hangt d’r alzo an iedere baleinetop een maantje en da gaf klaarte. En ’t was in heel de lucht geen mane noch sterre te zien. En amenekeer dien paraplu schiet lijk in brande. En je doet hem toe en dat is gedaan. En een ende verder je doet hem were open en ’t is were al lucht in vier. En je doet hem were toe en je dost hem nie meer opendoen. En j’hèt hem laten natregenen totdat ie over de bane Brugge-Kortrijk was en ton dei t’ie hem were open en ’t was ton niet nie meer. En mijne eigenste broere hèt da beleefd en da’s echt waar.

Om middernacht zag men bij een beek in Pittem vaak een hond met een ketting die veel lawaai maakte. Op een regenachtige nacht liep een man met een paraplu voorbij de plaats waar de waterduivel zat. Bij de beek zag de man aan de baleinen van zijn paraplu lichtgevende maantjes hangen, hoewel er aan de hemel geen maan of ster te zien was. Even later vloog de paraplu in brand. Toen de man zijn paraplu sloot, waren de maantjes verdwenen. Wat verderop deed hij zijn paraplu weer open, waarna opnieuw hetzelfde gebeurde. Pas bij de weg van Brugge naar Kortrijk durfde de man zijn paraplu opnieuw te openen. Deze keer was alles normaal.

P. Vandewalle, Leuven, 1968

1.1 Watergeesten

west-vlaams (o van houtland)

10

Broer van de informant

fabulaat

Koolskamp    Koolskamp   

Pittem    Pittem   

Brugge    Brugge   

Kortrijk    Kortrijk