STOP0036_0037_20710
Een sage (mondeling), 1964
Hoofdtekst
‘k Wrocht ik in de steenoven in den Abele. ’t Woren dor twee Poperingnaars die bij me werkten. ’t Wos lastig werk. ’s Navonds, o me gedaan an, gingen ze zieder van den Abele nor Poperinge nor huus en ’s nuchtens ten drien woren ze dor were. Dat begoste toen uutkommen van ulder daden mor ’t wiste niemand wukke (welke) daden dat dat woren. De volgende zomer gingen me wieder teon werken in den oven van La Bassai in de Pas-de-Calais, e bitje over Armentiers. Up e nuchtend had ‘k ik geen toebak meer en ‘k ging ik mijn toebak halen nor de toebakbureau. ‘k Kopen ik e pakschge toebak of twee en o ‘k ik dor zijn, kommen d’er dor twee gendarmes binnen. Die gendarmes vroegen an mij, in ’t schoom Vlamsch: "Wat doe je gij hier, gij als Belg?" Ze vroegen wuk dat ‘k ik dein en ‘k zein ik dat ‘k achter toebak kwam. Ze vroegen: "Hoe komt het daj je hier nu komt? ’t Is nochtans goed were?" Ik zein: "’k Kommen ik hier achter toebak." Dorup zein ze: "Komt gij mor mee met uus." De baas van de toebakbureau zei: "Commissaris, je trompeert gij joen worschienlik, want die mens werkt hier in de steenoven."Ze lieten me toen los. De volgende dag ging ‘k ik were, en ze wilden me were meedoen mor de baas lei were getugenis of voor mij. Weet je worom dat die gendarmes dat vroegen an mij? Ze peinsden dat ‘k ik die moord gedon had up èn oed vromens die in Violaine wunde. Mor dat wos Pollet, en zijn bende die dat gedon an want zieder wisten dat ze veel poenken (geld) hadde. Die moord wos een van de letste moorden van Pollet. Enn’e toen uphangen geweest in Bethune in ’t jor negentienhoenderdenvuve of zesse. ’t Wos die dag e schrik van volk. We gerochten er niet bij toet up twee kilometer. Die twee Poperingnaars woren anhangers die meespeelden. Dat wos e bende wè! In die bende woren er wel twolve à viftiene man met vrovolk en ol. Die mannen èn wel e jor of twee roendgelopen. Abel en Guusten woren zelve van Poperinge. Abel werd onthoofd en wos ’t hoofd van de bende. De Deroo’s, twee gebroers, woren ook van Poperinge. ’t Wos dor ook e wuuf van die Deroo’s dorin gemingeld (opgenomen).
Onderwerp
SINSAG 1320 - Andere Räubergeschichten. 
SINSAG 1320 - Andere Räubergeschichten. 
Beschrijving
Een man uit Staden werkte samen met twee mannen uit Poperinge in de steenoven in Abele. 's Avonds gingen die twee mannen terug naar Poperinge en om drie uur 's ochtends om drie uur waren ze alweer terug. In die periode werden verschillende overvallen gepleegd, maar niemand wist dat die twee mannen uit Poperinge de schuldigen waren. De volgende zomer gingen de mannen werken in de oven van La Bassai in Pas-de-Calais voorbij Armentiers. Toen de man uit Staden tabak ging kopen, kwamen er twee politieagenten de winkel binnen, die vroegen: "Wat doe jij hier als Belg? Kom jij maar mee met ons!" De winkelier sprak tot de agenten: "Jullie maken waarschijnlijk een vergissing, want deze man werkt hier in de steenoven". Daarop lieten de agenten de man los. De volgende dag gebeurde hetzelfde opnieuw, en ook deze keer nam de winkelier het voor de man op. De politie verdacht de man van de moord op een vrouw uit Violaines. Maar het was de bende van Pollet die die moord had gepleegd.
Die moord was één van de laatste die de bende van Pollet had gepleegd. In 1905 of 1906 werden de rovers opgehangen in Bethune. De bende bestond uit wel twaalf of vijftien mensen onder wie ook vrouwen. De twee mannen uit Poperinge waren ook lid van de bende. Abel Pollet, de bendeleider, werd onthoofd.
Bron
S. Top, Leuven, 1964