STOP0186_0187_21116

En toen e keer, vader wos nog joeng en ze dansten dor an ’t Esenkruus. En z’hadden dor leute up die Kruuskassie. En vader weunde tegen ’t Hooglandije, bij zijn oeders. En zegt vader tegen ulder: "’t Is nu schone tijd, ‘k gon ik nor huus!" Mor van o vader ollene wos, vader moste ezo e grote tien minuten gon, ’t komt dor e zwijn voor hem. Enne vertelde oltijd: "’k En nog nooit geen zuk een gezien die mijn stap brak." Enne wiste hij niet wor terten om voort te gon. Dat wos up e zaterdagavond. Enne, dat zwijn ging mee à peu près toet an ’t huus en ommèkeer ’t wos weg. En d’andre mosten ol nor Esen nor de platse en dat wos èn endige wè van Esen platse, e kleen kartje, van wor dat dat kruus stoend. En ’t woren er, die drie euren up roete geweest woren, die niet meer wisten wor dat ze woren. Zo, ’t wos zundag toene. En vader ging nor de messe. En achter de messe enne wos bij Louïs Vanoverschelde en zegt vader: "’k En dor gisternavond zuk e toer tegengekomen dat ‘k ol de moeite hadde om thuus te geraken. Zuk e enig zwijn e ‘k ik tegengekommen mor ’t dei nieten an mijn!" "Ja", zei Louïs, "zij gieder dorvoren niet beschaamd van dor te spelen met èn accordeon en te dansen voor dat kruus? Je koste toch wel peinzen dat er dor etwot ging gebeuren met julder" zeiten. "Ja, ke gon dor nooit meer gon dansen", zei vader. "’t Is best", zei Louïs, "je meugt dat nooit meer doen!"

SINSAG 0333 - Spuktier erschreckt Wanderer (und begleitet ihn).    SINSAG 0333 - Spuktier erschreckt Wanderer (und begleitet ihn).   

Een man die op een zaterdagavond bij het Esenkruis was gaan dansen, ging te voet naar huis. Onderweg zag de man een varken dat hem de weg versperde. Even later was het dier verdwenen. Enkele andere mannen die waren gaan dansen, raakten op hun weg naar huis hopeloos verdwaald. De volgende dag vertelde de man na afloop van de mis aan een vriend dat hij een reusachtig varken had gezien. Daarop antwoordde de vriend: "Ja, jij hebt accordeon gespeeld en gedanst bij dat kruis. Geen wonder dat er iets met je is gebeurd!" De man besloot om in de toekomst nooit meer op die plaats te gaan dansen.

S. Top, Leuven, 1964

1.4 Luchtgeesten

west-vlaams (vrijbos)

98E

Vader van de informant

fabulaat

Louïs Vanoverschelde    Louïs Vanoverschelde   

Esenkruis    Esenkruis   

Woumen    Woumen   

Esenkruis    Esenkruis