PKNAB0282_0283_6649 - Heks maakt man ziek

Dao waor ene minsch en dèi haw get in zene rug, en er waor al wijd en breid nao alle dökters gewèis en geine kosj hem helpen. En dat haw er van toen 'n auw vrouw in langs hem door waor gegangen, en die haw hem meèt e wiske in zene rug gehouwen. En dów hem dan toch geinen einen dokter kosh helpen, ging er ins in Rèikem nao de paters. En dèi pater zag voort (dadelijk): 'Jóng, dich bès van de kaoj (kwaai) hand geraak.' 'Jà', zag er toen, 'dat kan wâl', en ee lag hem uit wat d'r gebeurd waor. En dów heeng zich dèi pater dat dèngk um zjus wie veur te beechten en ee overloos hem. En iërs zag er nog: 'Is het van ter duvel, dan moot het d'ruit!', en zoë keem (kwam) er mèt z'n voësj (vuist) (gebaar); en toen dèi pater mer beijen (bidden), tot er d'rvan zwèdde (zweette) en de zjweit zoë langs zij gezich âfdrèif; en toen zegende-n er hem nog drij kiëren mèt wijwater en toen zag er zoë: 'Es het nów neet hiëlemaol vergeit moot-der trugkómmen tot 't hiëlemaol eweg is.' En zoë waor 't ouch, mer op den doër (duur) waor dèi minsch al zoëveul beter dat er bekans gein pijn miër haw, en toen ging er ouch neet miër trug. Mer stillekesaan begosj er weer oppernuj (opnieuw) pijn te krijgen, wie langer wie erger, tot er d'rvan gestorven is. En dat keem (kwam) ollemaol door dat wijf die hem mèt de wiske gehouwen haw.

SINSAG 0580 - Andere Hexenkünste    SINSAG 0580 - Andere Hexenkünste   

Een man die aan rugpijn leed, kon door geen enkele dokter geholpen worden. De man had die pijn gekregen toen een oud vrouwtje hem met een strohalm in de rug had geduwd. De paters van Rekem zeiden onmiddellijk: "Jij bent door de kwade hand geraakt". Vervolgens liet de man zich door een pater overlezen. De pater bleef bidden tot het zweet van zijn gezicht droop, zegende de man driemaal met wijwater en sprak dan: "Als de pijn nu nog niet verdwijnt, dan moet je nog eens terugkomen". Na enkele bezoekjes aan de pater had de man bijna geen pijn meer. Toen de man niet meer naar de paters ging, werd de pijn weer erger en erger tot de man uiteindelijk stierf.

P. Knabben, Leuven, 1970

2.1 Heksen

limburgs (maasvallei)

O/IX/175

fabulaat

Opgrimbie    Opgrimbie   

Rekem    Rekem