RCALL0117_0118_13315 - Heks maakt melk slecht te Izegem

Miene vint was weg goan dienen. ’t Was binst den latsten oorlog. Ik keernde van mien twee skoapen ’s nuchtends tielijk (vroeg). Ik zoate te stampen, ‘k peizde da’k de deure gesloten had. ‘k Hoorde olmetnekeer de deure opengoan. ’t Was nog mo zesenhoolf. ‘k Was benauwd. ’t Was een oed, vul wuveke met an heurne arm een mande. Ik zei: “Ge ziet wel tielijk ip gang”. Ik kende ze niet. “’k Zoe een bitje kaffee willen” zei’t. Ik zei da’k geen ha, mo wel melk. “Da moet ik niet hèn” zei ’t kort “Ofwel een poar stuten” (boterhammen). Ik gaf een hoolf brood, oemda ik niet elders in mien hus had moeten goan. “Ge ziet bedankt” zei’t het “ik goa vele lezen voe joe”. Ze sloeg ip mien skoere, en ik sloeg wok ip heur skoere, zoender da’k het wiste. Het was dul (kwaad) en gienk voeort ol pruttelen bie zien zelven. Ik sloeot de deure goed. Ik had ol gezien da’k geen bitje beuter ha, wuk da’k wok dei, de keerne wilde niet ofgoan. Ik goot warm water, mo geen advance. Ik zei bie mien zelven:”Ik goa van noen ip nieuwen herbeginnen”. Ik begoste ip nieuwe ’s noens, het skumde, mo geen beuter. Oeze-Lieve-Here stoend ip de skouwe, met een bitje poolme erachter. Ik pakte een poar bledjes ervan in de vorme van een kruske en smeet het erin. Ik zei: “Hiligen Benedictus, help mie”. Ik stampte voeort en achter een hoolf eure ha’k zoveel beuter of da’k wilde. En ‘k koste dat bladje erut roapen zoender dat er entwodde an was. Twee doagen loater keernde ik were en were geen beuter. Ik pakte were een poolmtakske en ‘k ha were beuter. Ik hè dat drie keren moeten doen eer dat het gedoan was.

SINSAG 0580 - Andere Hexenkünste    SINSAG 0580 - Andere Hexenkünste   

Een boerin die vroeg in de ochtend boter aan het karnen was, hoorde plots de deur opengaan. Er verscheen een oude vrouw die koffie vroeg. Daarop antwoordde de boerin: "Koffie heb ik niet, maar je kan wel wat melk krijgen". "Dat wil ik niet", zei het vrouwtje, "maar ik wil wel een paar boterhammen". Toen de boerin het vrouwtje een half brood had gegeven, zei het: "Je bent bedankt. Ik zal veel voor jou bidden". Het vrouwtje klopte de boerin op de schouder en de boerin deed hetzelfde bij het vrouwtje. Daarop begon het vrouwtje te morren en ging weg. De boerin werkte voort, maar ze kon geen boter karnen. Daarom besloot ze 's middags opnieuw te beginnen met verse melk. De boerin maakte een kruisteken en gooide enkele blaadjes gewijde palm in de melk met de woorden: "Heilige Benedictus, help me". Een half uur later had de boerin zoveel boter als ze maar wilde. Twee dagen later slaagde de boerin er weer niet in boter te maken. Ook deze keer hielpen de palmtakjes. Tot driemaal toe heeft de boerin palm in de melk moeten gooien. Pas daarna was de betovering verbroken.

R. Callens, Leuven, 1968

2.1 Heksen

west-vlaams (tielt en izegem)

261

WOII

memoraat

Meulebeke    Meulebeke