PKNAB0251_0252_6595 - Weerwolf (speler) gedood

Dao waor ouch ene weerewouf en dèi waor op 'n boerderij. En op die boerderij dao hawwen ze ouch 'n meid, die wèrkde-n ónder de keu (koeien) en die zag altijd: 'ich bèn veur nieme (niemand) bang.' En dèi boer, dèi geit mich de hei op, dao stóngen struuk (struiken), en ze hawwen zoë e kawf (kalf) geslach, mèt heuringen (horens), en dèi truk (trekt) mich dat vel euver zene kop en dèi geit in ene struik zitten aan de kant van de wêg. En toen kump die âf, en ee begint te dansen en te sprèngen, mer die, die haw den houteren hamer bij zich veur bij de keu te..., en dèi dao opaan, en zjus tusschen de heuringen (horens), BAAF, BAAF! ene sjlâg of veer-vijf, en dèi blèif liggen. Jà, en zij ging heivers, en de taofel waor gedèk en alles hé, en ze wachden op heum hé, mer dèi, dèi kaom neet hé, en ... 'Jà', zèit zij, (boerin), tegen heur, 'dèi is hie uitgegangen effen naodat geer wegwaort nao de biësten en nów is er nog neet trug, wat maog dèi aanderhand hebben?' 'Dat wèit ICH', zag zij, 'ich heb hem bekans kepotgehouwen. Ee zag dat ich bang zou zijn es ich trugkaom van de biësten, mer ich heb nog noëts geloupen en nów ouch neet.' En zij trug kijken. En toen ze daokaom, zaog ze dat dao nog liggen, en zij begosj ins aan dat vel te rijten, en toen ze dat van hem âf hawwen, laog er dao, kepot (dood), einen heuring door zene kop uit, mèt dèin hamer. Dat waor meniër de boer! En toen mósjten ze de pelis (politie) laoten kómmen, en toen mósj zij zèggen wie ze dat gedoon haw, jà, onschuldig hé, ee haw zich dat gezeuk (gezocht). Dao moos-te lómp veur zijn hé!

Op een boerderij werkte een meid die beweerde dat ze nergens bang voor was. Om zijn meid een poets te bakken, trok de boer een koeienvel over zijn hoofd en ging langs de kant van de weg zitten. Toen de meid de vreemde verschijning zag, sloeg ze de weerwolf vier of vijf keer met een houten hamer. Vervolgens ging de meid terug naar de boerderij, waar de boerin de tafel al had gedekt en zei: "De boer is daarnet naar de dieren vertrokken, en nu is hij nog steeds niet terug. Wat kan er toch gebeurd zijn?" De meid had de boer per ongeluk doodgeslagen.

P. Knabben, Leuven, 1970

1.6 Weerwolven

limburgs (maasvallei)

M/XIX/133

fabulaat

Bandopname

Maasmechelen    Maasmechelen