EGGEN001010 - Voor de gek-houderij.

Voor de gek-houderij.
Tijd : einde 19de eeuw.

Dao waor 'ne knech, 'ne jong va e jaor of achtjèn. Ja, dae woort natuurlik, veur 't mèt rechoet te zegke, ummertoe bezeik en beklwoat.
Noe houwe ze sjmiddigs 'n koo gesjlach en 't vèl mèt kop en àl, bewaard.
Saoves zagte ze doe teenge dae knech: "Gank ins eve nao Ulesjtraote. Jèh, en 't waor pikkeduuster.
Mèh dae jong pakde zich 'ne grwoate kuul mèt. Noe kump 'r örreges midde in 't veld, doe sjprink dao eine veur 'm. Mèh dae bedink zich neet en huit es flink.
Innige oere daonao kump 'r truk oppe boerderie.
Al die jonges dao geliek euver 'm heen. "Enne, bèste niks teengegekòme". "Höbste niks gezeen", "De höbs zeker angs gehad". "Mèh nei", zaet dae knech, "Wat zou mòtte zeen? Ich höb nörreges las van gehad". Mèh jèh, mèt veul kalle krege ze toch oet 'm, tot get gebörd waor.
"Jèh", zaet de knech,"“ongerins sjprink mich dao 't ein of anger gesjpens veur mich, met 'ne grwoate kop en 'ne sjtart. Doe höb ich 'm gesjwens, op dae kop, tösje die heure, tot 't niks mjè zag".
Sanderensdaas ginge ze kieke en dao laog 't.
'r Houw ziene kammeraod, want dae houw zich dat vel aangedoon, dwoad gehouwe.

VDK 1676 F*    VDK 1676 F*   

ATU 1676 - The Pretended Ghost    ATU 1676 - The Pretended Ghost   

TM 4906 - Voor weerwolf spelen    TM 4906 - Voor weerwolf spelen   

Doodslaan van spookspeler.

Collectie Eggen, verslag 10, verhaal 10 (Archief Meertens Instituut)

Ulesjtraote    Ulesjtraote   

Ulestraten    Ulestraten