EGGEN001205 - bokkenrijders.

Plaats : Geleen en omgeving
Tijd : 2de helft 18de eeuw
Onderwerp : bokkenrijders.

In Sjinne woonde Steven Doodrijk, 'ne grwoate bokkeriejer.
Vanoet zien hoes leep 'nen onderaardsen vluchgank, langs de kèrrik, op Thul opaan.
In das hoes hele ze ummer vergaderinge.
Mèh noe waor eine van die bokkeriejersj 't meug. Tantele Mie, 'n vrouw wat mèt van allenderduvel langs de deure leep, verraojde ummer alles. Jèh, die hoort en zaog 't nwuëdige want ze euveral kaom.
Daomet houw auch dae aafvaelige angs en wou 'r weg oet Heerlerhei, woa 'r woonde. 'r Boede zich e leime huuske bie Meers-Aelse, dao zou waal nemes 'm zeuke.
Dao woonden 'r jaore langk, mèt zien vrouw en zien kinger, Herman en Martha.
Zie houwe femilie in Lutterao en dao waor 't gebruuk veur met keersjmis e brwoad oet de tore te sjmiete, wat zeve maol gebakke waor. Knoerhèl. De jeug kaom dan daonaotoe nao 't lof. Wae 't brwoad sjnapde en bove de kop kòs sjteke mòsj rope: "keersjbrwoad, mien brwoad". Dae woar dan e gans jaor brwoadkeuning.
De kinger van dae bokkeriejer ginge dao aug heen. De jong waor 'ne sjterke keel, en daomet kòs 'ne bokkeriejer wat dao rondleep, in höm de vader trök. 'r Houw de jong good kinne zeen, want Herman houw dat brwoad gevange.
Dae bokkeriejer vraogde zich aaf, woa dae jong van dan kaom. Doe woort e plan gemaak.
Saoves ginge de kinger mèt de dokkar nao hoes.
Houwerwaegs houw zich emes oppe weeg gelag, sjus of went 'r erg krank of dwoad waor. Ze sjtopden en gingen nao de man kiêke.
Herman zag doe tegen Martha: "Blief dich hie, dan gaon ich truk nao 't dörrep de pesjtwoar hole".
't Maedsje woort doe ontveurd en in Heerlerhei opgesjlote. Mèh de vader en de broor wouen hör truk höbbe.
Claos van Sintjansgelaen verraojde hun de plaats woa Martha zaot.

Doe ze op 'n nach nao Heerlerhei gingen, waore ze dao sjus aan 't vergadere.
Mèt 'n gleujende tang in de heng rende ze dao nao binne en heve ès flink d'rop los.
Wat neet vermaort woort, kreeg flinke sjlaeg. Martha woort bevried.
Mèh dae aafvallige höbbe ze nwoats krege.

TM 3114 - De Bokkenrijders    TM 3114 - De Bokkenrijders   

SINSAG 1236 - Der unterirdische Gang. Belagerte entkommen.    SINSAG 1236 - Der unterirdische Gang. Belagerte entkommen.   

Bevrijding van gevangen genomen dochter van afvallige bokkenrijder.

Collectie Eggen, verslag 12, verhaal 5 (Archief Meertens Instituut)

Steven Doodrijk    Steven Doodrijk   

Mie    Mie   

Herman    Herman   

Martha    Martha   

Claos    Claos   

Sjinne    Sjinne   

Schinnen    Schinnen   

Thul    Thul   

Thull    Thull   

Heerlerhei    Heerlerhei   

Meers-Aelse    Meers-Aelse   

Meers-Elsloo    Meers-Elsloo   

Lutterao    Lutterao   

Lutterade    Lutterade