EGGEN001301 - Bokkenrijderij.

Onderwerp : Bokkenrijderij.
Plaats : Meers en omgeving.
Tijd : 2de helft 18de eeuw.

De Waerd is 'n boerderie wat vreuger gezelsjap houw van nog twjië angere: 't
Naelenheufke en de Boudewijnshoof. Op ederen hoof zaot 'ne gebroor.
Oppe Boudewijnshoof houwe ze e deil knechs, wat in de vrie sjlepe. Nwoats houwe ze dao las van de bokkeriejers, mèh dat kaom doordat eine van de knechs zelf daobie wao en sjnachs leider waor van zwoan kud.
Op zekeren daag kump eine oppe peerd dao oppen hoof. Dae kaom van 't Belsj en mos nao Rwoastere (Roosteren) es boodsjapper van de grwoate baas. Hae zelf hoosj Nölke van de Wal. 'r Zag tot 'r ziene broor ins kaom opzeuke. Dat waor good, 'r sjleep zelfs dao
Oppenen aovend geit de vrouw van de hoof nao Sjtein, neet euver de grwoate weeg, mèh door 'ne veljdweeg, gans begreujd mèt struvellen. Die stonge al van aan Stien van de witte Chris.
Onderins hwuerd zie get en loesterd: dat waor de sjtum van de knech en zie broor. Ze zouwe "De Beukeboum" in Lumbrich-Göttekove euvervalle!
Zie wis genòg en rende heivers en de man van hör gewaarsjuwd. Noe waor 't tied!
Hae dink, niks laote merke aan dae knech, die van Lumbrich waarsjuwe en ze dan allemaol neerhouwe. Daomèt zaet 'r: "Ich gaon nog get plenke in 't Winandushuuske” (NB: een drinkgelegenheid die volgens de overlevering 't geboortehuis was van Winandus van Elsloo, de middeleeuwse pelgrim die op zo wondere wijze terugreisde vanuit 't h. land.).
Mèh in plaats daovan ging 'r nao Sjtein, de sjepene waarsjuwe.
Good, doe d'n aovend van den euverval gekòme waor, zaot dat hoes sjtikvol met bewaopende luu. Dao is doe ins good gevochte, mèt ich weit neet wie völ dwoaje.

Saoves laat kump de boer weer toes ..... lik dao z'n vrouw dwoad. Aafgesjlach mèt e brwoadmets. Dat waor de wraak van de bokkeriejers.
De boer is doe vertrokke en haet 't hoes mèr laote ligke.
Nao 'ne lange tied kump dao 'ne minsj oet Sjummert (Schimmert) langs, op weeg nao Werm'nd (Urmond), en dae kik zich dat 'ns aan: daen hoof wol 'r waal op orde bringe. Dat die vrouw dao sjwoakde, maakde 'm niks.
'r Geit auch ins binne kieke, ..... en zuut dao 't sjwoak. Mèh door e look in 't daak waor get sjnië nao binne gevalle, en noe sjeen de maon daoöp. In 't daak wejde nog get reet.
Dat opknappe ging neet mjè door en zwoa is de Boudewijnshoof gans ingesjtort en verdwene.

TM 3114 - De Bokkenrijders    TM 3114 - De Bokkenrijders   

SINSAG 0450 - Andere Tote spuken.    SINSAG 0450 - Andere Tote spuken.   

Na moord op boerin door bokkenrijders spookt ze in verlaten boerderij.

Collectie Eggen, verslag 13, verhaal 1 (Archief Meertens Instituut)

Waerd    Waerd   

Naelenheufke    Naelenheufke   

Boudewijnshoof    Boudewijnshoof   

Belsj    Belsj   

Nölke van de Wal    Nölke van de Wal   

Stien van de witte Chris    Stien van de witte Chris   

De Beukeboum    De Beukeboum   

Winandushuuske    Winandushuuske   

Winandus van Elsloo    Winandus van Elsloo   

Weerterhof    Weerterhof   

Rwoastere    Rwoastere   

Roosteren    Roosteren   

Sjtein    Sjtein   

Stein    Stein   

Lumbrich-Göttekove    Lumbrich-Göttekove   

Limbricht-Guttecoven    Limbricht-Guttecoven   

Sjummert    Sjummert   

Schimmert    Schimmert   

Werm'nd    Werm'nd   

Urmond    Urmond   

Meers    Meers