EGGEN002001 - behekst jongetje

Onderwerp : behekst jongetje
Tijd : rond 1900
Plaats : Cadier en Keer

Ich höb e breurke gehad, die door de kaoj hand geraak is.
Dat waor 'n hielsjoen jungske, en daoveur heel mien moder 'm extra in 't ong, want es 'n heks op 'n kind loerde, waor 't ummer 'n sjoēn kind.
Dat breurke waor ins boete aan 't spele, toen 'n heks langs kaom. Die bekeek zich dat, zag ins get, en raakde 't jungske aan.
En op 't zelfde memint waor dee krank. Nao 'n paar daag mòs 'r 't bèd in, en dao heet 'r maondelank gelegen. Ummer taerde 'r wieje weg. Dao bleef niks van euver. Mèh sterreve ging neet, en toch waor 'r eigelik al dwoad.
Doe höbbe ze 'n vrouw gehaold, die 'm euverleze heet, en doe waor 'r verlōs.
Hee kreeg eve get kleur, en storf doe hiel zach.
Op dit memint kòs me die heks hure lache.
Zoe versjrikkelik waor die mach, zoevöl leid heet dat gebrach.

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

TM 3117 - De kwade hand (het boze oog)    TM 3117 - De kwade hand (het boze oog)   

TM 4301 - Persoon kan niet sterven    TM 4301 - Persoon kan niet sterven   

Kind dat ziek is geworden na aanraken door heks, kan pas sterven nadat het is overlezen.

Collectie Eggen, verslag 20, verhaal 1 (Archief Meertens Instituut)

Cadier en Keer    Cadier en Keer