EGGEN003704 - hekserij:

hekserij:

wat ich uch noe gaon vertèlle, zouw ich lever nwoats mië hel op oetsjpreke, mèh wie d'r mich zègk, tot geer de euver dink, zal ich uch zègke:
veer höbbe tóes ins gèt aanderhànd gehad mèt 'n heks.
in 1897 woort bie òs 'ne maedsje gebore, e hiël sjwoan, gezònd kìnd.
m'n moder hauw 'n gooj vrundin, oet göl, mèh die hauw 'ne naam.
drie daag nao tot 't kìnd gebore waor, kaom zie weer ins in, en zuut 't kind. doe zie wegging, kaom zie ins eve aan 't kìnd.
neuge daag daonao waor gèt versjrikkeliks gebörd: 't kinneke zaot van onger tot bove onger de lang haore, zwoa lank wie 'n hand.
mien auwersj ginge mèt 'm nao 't pesjtwuërke van sint pieter, mèh dae kòs niks doon.
doe ginge ze op baevert nao wittem.
op 't lèts ginge ze, mèt 't kind, nao remung (roermond).
wie ze in d'n trein zaote, huërte m'n mam twië vrouwene zègke: "wèt die, tot ze e dwoad kìnd bie zich haet".
daomèt keek auch 'n angere passasjeer.
"dat is neet dwoad, dat is van de kao hand geraak. sjpietig tot m'ne broor krank is, want dao zouw dat waal verhelpe. en 't zal auch waal bezjwaorlik zin, veur nao sumpelveld te kòme. mèh wèt d'r wat d'r doot: gank nao vrouw koolen in mesjtreech. die woont bie 't sjpoor, die deit de buim ope".

't kind waor gebore in mei, en 't waor iërsj de vieftiënde augustus, wie ze nao mesjtreech ginge. haos geine hand in d'n tössjentied nao 't kinneke dörreve kieke.

ze kaome in mesjtreech, die vrouw baejde zich, en zag: "kint geer veur twèllef oer tóes zin? good. mèh wach uch; es geer sjus tóes zeet, kump 'n vrouw, wat in wil, mèh 't zal 'm neet lökke".
ze waore nog neet tóes, of dao kump de heks, vraoge, wie laot de vreugmès waor, dewiel zie toch ederendaag dao heen ging.
"kòm mer in, kring", reep mien moder.
mèh zie kòs 't neet. mam zat de deur al ope, nog neet.
't waor sjus twèlf oer, dao waor 't kind geneze.
die heks haet zich nwoats mië laote zeen.
't waor toch 'n gooi vrundin gewaes van mien moder.

dat is allemaol èch gebörd. ich zal 't auch nwoats vergete.

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

TM 3117 - De kwade hand (het boze oog)    TM 3117 - De kwade hand (het boze oog)   

TM 3106 - Het drankje van de duivelbanner    TM 3106 - Het drankje van de duivelbanner   

Genezen van kind na betovering door heks.

Collectie Eggen, verslag 37, verhaal 4 (Archief Meertens Instituut)

Sint Pieter    Sint Pieter   

Koolen    Koolen   

Göl    Göl   

Wittem    Wittem   

Remung    Remung   

Roermond    Roermond   

Sumpelveld    Sumpelveld   

Mesjtreech    Mesjtreech   

Maastricht    Maastricht   

Bunde    Bunde