Hoofdtekst
Twee boeren onder Zaamslag, Scheele in Dieleman, rejen nogal is dikkels op Weunsdag mee 't gerij na de Mart in Terneuzen.
Scheele was eigenlik wat achterlik in Dieleman was geen al te besten! Op een Dinsdag in 't voorjaar gaat Dieleman saves na buurman Scheele. Buurman, zegt ie, "'k èn mèrgen geen pèrd vrie in 'k (h)oren dà jie nie gaat, kank van joe een pèrd gebruuken?"
"Das goed," zegt Scheele, "dan (h)aal je d 'er mèrgenvroeg maar een weg."
Den anderen mèrgen gaat Dieleman à vroeg de stal in bie Scheele in pakt net een pèrd weg dad op veulenen staat.
Ondertussen is Dieleman in Terneuzen gekommen in uitgespannen bie van der Walle, net vô de brugge.
Ie ga z 'n zaken doen op de Mart in à tie truggaat komt ie vanderWalle tegen. Die zegt: "d 'as ook wà, baas Dieleman, daa lig een veulen in je gerij. Dieleman zegt: "Man, ik weten van niks, weet jie 't wè zeker?" Ma 't lei d’er in, dà zag tie we!
Ie riej trug naar uus, spant 't pèrd uut in briengt 't na Scheele, maa 't veulen briengt ie eest na z 'n eigen stal.
Dieleman zeg tegen Scheele: "Buurman, da gebeuren tegenwoordig toch rare diengen, noe ei m 'en gerij geveulend!"
"'k Gloven ’t ôok," zegt Scheele, want mien pèrd da jie gebruukt eit most veulenen in daar is geen veulen meer in."
Scheele vertelt dad an z 'n dochter, ma die is snuggerder in die zegt: "Ma vader, begriep je dà noen ie, dat dà veulen waa Scheele 't over aa van ons pèrd is?"
Ma wad of Scheele ook zegt, Dieleman wilta nie van (h)oren in dà kom zoverre, dat 't vô 't gerecht komt.
Die geleerde (H)eren rechters èn ouwe boeken opengeslogen in da staad in dat dad over een paar (h)onderd jaar ook is gebeurd is in zodoende kreeg Dieleman dà veulen toegewezen.
Ma Scheele z 'n dochter eiter dà nie bie laten zitten! Ze zei, "Vader, volgende weke komt de Konink ier vôbie (Koning Willem III bezocht in Mei 1862 O.Z. Vlaanderen) in die gaank er over spreken!
In noe moe j (h)oren oe à se dad angeleid eit!
Toen Willem III daa langs zou kommen nam z 'n (h)engellatte mee tuug deran in ze dee an den (h)aak een scharretje.
Toen de Konink vôbie kwam zag tie daad à meissen zitten vissen.
"Stop," zei tie tegen z 'n Kamer(h)eer, "da zit een jonge vrouwe te vissen in daar is elema geen water!"
De Konink liet dà meisje roepen in ie zei:
"Ma meisje, je bin an 't vissen in daar is ier elema geen water, das toch wel een bitje wonderlik!"
"Majesteit," zei da meissen, "da gebeuren ier wè meer wonders" in ze vertelden e meel de geschiedenis mee tà veulen.
Daar eit de Konink veel om gelachen maar ie zei: "noe, dan krieg jie uut mien eigen stallen een prachtig veulen".
In zodoende aa ze toch der zin gekregen, want later is ter een veulen gestierd (gestuurd).
't Is wel een ele wonderlike geschiedenis, ma vader eit et ons meer dan ees verteld in 't moe werkelik zo gebeurd zien.
Scheele was eigenlik wat achterlik in Dieleman was geen al te besten! Op een Dinsdag in 't voorjaar gaat Dieleman saves na buurman Scheele. Buurman, zegt ie, "'k èn mèrgen geen pèrd vrie in 'k (h)oren dà jie nie gaat, kank van joe een pèrd gebruuken?"
"Das goed," zegt Scheele, "dan (h)aal je d 'er mèrgenvroeg maar een weg."
Den anderen mèrgen gaat Dieleman à vroeg de stal in bie Scheele in pakt net een pèrd weg dad op veulenen staat.
Ondertussen is Dieleman in Terneuzen gekommen in uitgespannen bie van der Walle, net vô de brugge.
Ie ga z 'n zaken doen op de Mart in à tie truggaat komt ie vanderWalle tegen. Die zegt: "d 'as ook wà, baas Dieleman, daa lig een veulen in je gerij. Dieleman zegt: "Man, ik weten van niks, weet jie 't wè zeker?" Ma 't lei d’er in, dà zag tie we!
Ie riej trug naar uus, spant 't pèrd uut in briengt 't na Scheele, maa 't veulen briengt ie eest na z 'n eigen stal.
Dieleman zeg tegen Scheele: "Buurman, da gebeuren tegenwoordig toch rare diengen, noe ei m 'en gerij geveulend!"
"'k Gloven ’t ôok," zegt Scheele, want mien pèrd da jie gebruukt eit most veulenen in daar is geen veulen meer in."
Scheele vertelt dad an z 'n dochter, ma die is snuggerder in die zegt: "Ma vader, begriep je dà noen ie, dat dà veulen waa Scheele 't over aa van ons pèrd is?"
Ma wad of Scheele ook zegt, Dieleman wilta nie van (h)oren in dà kom zoverre, dat 't vô 't gerecht komt.
Die geleerde (H)eren rechters èn ouwe boeken opengeslogen in da staad in dat dad over een paar (h)onderd jaar ook is gebeurd is in zodoende kreeg Dieleman dà veulen toegewezen.
Ma Scheele z 'n dochter eiter dà nie bie laten zitten! Ze zei, "Vader, volgende weke komt de Konink ier vôbie (Koning Willem III bezocht in Mei 1862 O.Z. Vlaanderen) in die gaank er over spreken!
In noe moe j (h)oren oe à se dad angeleid eit!
Toen Willem III daa langs zou kommen nam z 'n (h)engellatte mee tuug deran in ze dee an den (h)aak een scharretje.
Toen de Konink vôbie kwam zag tie daad à meissen zitten vissen.
"Stop," zei tie tegen z 'n Kamer(h)eer, "da zit een jonge vrouwe te vissen in daar is elema geen water!"
De Konink liet dà meisje roepen in ie zei:
"Ma meisje, je bin an 't vissen in daar is ier elema geen water, das toch wel een bitje wonderlik!"
"Majesteit," zei da meissen, "da gebeuren ier wè meer wonders" in ze vertelden e meel de geschiedenis mee tà veulen.
Daar eit de Konink veel om gelachen maar ie zei: "noe, dan krieg jie uut mien eigen stallen een prachtig veulen".
In zodoende aa ze toch der zin gekregen, want later is ter een veulen gestierd (gestuurd).
't Is wel een ele wonderlike geschiedenis, ma vader eit et ons meer dan ees verteld in 't moe werkelik zo gebeurd zien.
Beschrijving
Toeeigenen van veulen; wijze waarop contact is gekregen met de koning die naar aanleiding daarvan een veulen schenkt.
Bron
Collectie De Vries, verslag 33, verhaal 2 (Archief Meertens Instituut)
Naam Overig in Tekst
Scheele 
Scheele 
Dieleman
Dieleman
Willem III
Willem III
Naam Locatie in Tekst
Terneuzen
Terneuzen
Zaamslag
Zaamslag
Plaats van Handelen
Zaamslag
Zaamslag