VRIES004301 - DE SPOOKHOND.

DE SPOOKHOND.

De zuster van men groitmoeder die (h)eetten Sara Buze (Buijze), die eit me verteld.
Ze was meid bie deLu (deHullu). 't Is allank gelejen en 't was januari, toen wier der d '(h)eêle maand nieuwjaar ghouwen.
De boer en de boerinne rejen op een avend weg mee de "Faijtonne" 1) mee twee pèrden d 'er vôgespannen na Kerzand (Cadsand).
deLu zelve weunden op Bezande (Barzande) bie de Kruisdiek.
T-egen een uur of tiene rejen ze wee trug en 't was een prachtig lichte maantje. Ze kwamen op een kruuspunt kort bie 't Tolletje van deReu en ze zagen nog licht.
Die is ook nog laat op, zeijen ze. Maa toen ze korte bie kwamen was 't al donker en mosten z 'em uut z 'en bedde trommelen.
Toen à ze deurejen zagen z 'een groten zwarten (h)ond en die bleef maa vô de pèrden lôpen.
Ze zeijen nie vee meer tegen mekare want ze waren bange vasself.
Den boer die docht: à 'k noe maar is op de grote weg bin, dà was de Provinciale weg vôbie Sinte-Pier (Nieuwvliet), dan (h)aal ik de zwiepe der wel over.
Maar (h)oe (h)arder à tie pèrden liepen, (h)oe (h)arder dien (h)ond ook liep.
Toen à se thuuskwamen was dien (h)ond der ook nog bie. Ze rejen al omlaag van den april (afrit) en ze waren zô bange da se bots tegen de deure anrejen. De knecht wier opgeklopt; die spanden de pèrden uut en die kon nie glôven dat er een (h)ond bie gewist was, want die aa geen (h)ond gezien.
Maa den anderen avend zaten z 'in de grote keuken een appeltje t 'eten, dà was zo de gewoonte eer à t 'avendmaal gebruukt wier.
De meid was bezig in de keete (bakkeet) àn 't eten klaar maken.
De borren (borden) wieren net gezet. Ze zaten aamaa bie mekare rond de tafel en toen (h)oorden z 'een geritsel in de gank.
Eest gaf tie een opmieter tegen de deure en da kwam dien grôten zwarten (h)ond binnen. Die aad een zware kittienk rond z 'n nek en die liep rustig rond de tafel en toen à tie 't gezien aa ging die wee trug.
Die wou zeker 't ziene d 'er van weten.
En nou aaden ze 't natuurlik allema gezien en ze waren wreed bange.
Den anderen avend dee de boer à vroeg de grindels op de deure mee de kittink der op; ie dee de sponningen op de blinden en ie stopten 't gotegat toe.
Maa 't was elke reize op etenstied en toen kwam dien (h)ond net as den voregen avend wee binnenlôpen en wee rond de tafel en die verdween wee. Het pesjeneel (personeel) wier benauwd en da praatje gieng vasself vèder en d 'een vô, d 'ander na liep weg.
Den boer kon alleen mee vee moeite nog volk kriegen.
Maa vèder èn ze toch nooit meer iets van dien (h)ond gezien.

'k Kennen nog wè meer van die "anjedoten", meneer.
Noe moe-je maar is goeit luusteren, maa 't is alles lang gelejen, oir!

[noot 1): Vierwielige wagen (Phaethon, de Zonnewagen)]

SINSAG 0333 - Spuktier erschreckt Wanderer (und begleitet ihn).    SINSAG 0333 - Spuktier erschreckt Wanderer (und begleitet ihn).   

SINSAG 0256 - Plagegeist (in Tiergestalt) erschreckt späten Wanderer (und begleitet ihn).    SINSAG 0256 - Plagegeist (in Tiergestalt) erschreckt späten Wanderer (und begleitet ihn).   

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Spookhond loopt 's avonds mee, komt 's avonds om etenstijd terug.

Collectie De Vries, verslag 43, verhaal 1 (Archief Meertens Instituut)

Sara Buze    Sara Buze   

Sara Buijze    Sara Buijze   

de Lu    de Lu   

de Hullu    de Hullu   

Faijtonne    Faijtonne   

Phaeton    Phaeton   

de Reu    de Reu   

Kerzand    Kerzand   

Cadzand    Cadzand   

Bezande    Bezande   

Barzande    Barzande   

Kruisdiek    Kruisdiek   

Sinte Pier    Sinte Pier   

Nieuwvliet    Nieuwvliet   

Cadsand    Cadsand