VRIES004602 - 't Spook op 't kerkhof.

't Spook op 't kerkhof.
M 'n vader was stoelematter en men aaden 't (h)eel èrm. 'N een keer aa vader een stoel gemat voor een boer, Teeuw de Bruune eetten die.
Jacob zei vader, brieng jie die stoel 'n keer naa de Bruune, 't is vuuftig cent. Moeder zei, dan ga je gie trug even bie den bakker om brood, Jacob. 't Wier al een bitje duunker en moeder zei: dienkt ter om, m 'n kind à je trugkomt langs 't kerk(h)of dan moe j 'een gebedje opzeggen oir.
Toen ak langs d (h)aage van 't kerk(h)of gieng was 't al elemaa duunker.
Ik begon: Onze Vader……. pfff pffff pfff ….ik schrok, 'k ieuw even op….die in de Hemelen zijt…. pfff pfff pfff….'k wier bange, 'k liep nog een stap. of 't wà….Uw naam zij……pfff pfff pfff…en 'k zetten 't op een lôpen, maa 't spook liep mee.
En toen zag ik deur een gat in d '(h)aage opees een groot wit beest.
'k Gaf een schreeuw en toen (h)oorden ik achter me: bèèè, bèèè, en 't was een schaap dad op 't kerk(h)of liep!
Maa 't ei lange geduurd voordak er wee vobie dost.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Wit spook op begraafplaats blijkt een schaap te zijn.

Collectie De Vries, verslag 46, verhaal 2 (Archief Meertens Instituut)

Teeuw de Bruune    Teeuw de Bruune   

Oostburg    Oostburg