VRIES004907

De vrouwe van Frans Dieleman 3) die àn den Drieweg geweund eit, kort bie de Krage kon zo-at de mensen zeijen de Zwarte Kunst.
Udder buren, dà was bie Keesje deVisser, wieren (h)eel erg geplaagd. À die saves op bed leijen dan was 't net of alles deu mekare gerammeld wier. 't Was net of de matten uutgeklopt wieren.
En à se dan uut 't bed kwamen zagen ze niks.
Op een keer kwam ter een woonwagen vôbie Kees deVisser.
De vrouwe uut de woonwagen gieng daar àn om iets te verkoôpen.
En vrouw deVisser vertelden die vrouwe dà ze zo geplaagd wier deuj de vrouwe van Frans Dieleman, dà se der nie van konnen slapen.
Die vrouwe van de woonwagen zei: "verkoop mien is een paar eiers. En dan zak joe een goeie raad geven.
"Noe moe je je pad netjes oprieven en dan mag je d 'er volstrekt nie meer over loôpen. Dan zà je misschien vannacht wel is een geluud (h)ooren, maa daa moe je jen eigen nie an storen."
Ze zei: "mergenochting kom ik trug."
Ze vroeg den anderen morgen: "oe is ’t gegaan?"
"'t Is alles stil gebleven in uus," zei vrouw DeVisser, "maa buuten emme vannacht wè wà ghoord."
De vrouwe uut de woonwagen zei: "je moet ter niks meê tegen zeggen en d 'er ook niks van anpakken."
En ze zei: "'t zà dan wel over wezen en je zutter nooit meer last van èn en ze zà nooit mee gezond zien."
Want die vrouwe uut de woonwagen kon 't oôk, weetje! (de "Zwarte Kunst" bedoelde ze, v)

[3) Zie ook verslagen nrs I 112-3 en 27.] [Hernummering Collectie De Vries, verslag 2, Collectie De Vries, verslag 28]

SINSAG 0580 - Andere Hexenkünste    SINSAG 0580 - Andere Hexenkünste   

SINSAG 0780 - Zauberer zwingt auf andere Weise, die Bezauberung fort zu nehmen.    SINSAG 0780 - Zauberer zwingt auf andere Weise, die Bezauberung fort zu nehmen.   

Heks geeft raad om betovering door andere heks af te weren.

Collectie De Vries, verslag 49, verhaal 7 (Archief Meertens Instituut)

Frans Dieleman    Frans Dieleman   

Krage    Krage   

Keesje de Visser    Keesje de Visser   

Drieweg    Drieweg   

Drieweg Zaamslag    Drieweg Zaamslag