VRIES005502

Dà was in de Vogelschorpolder, bie de Jonge-vandeBroeke en die aaden onder anderen een èrrebeier (arbeider) en dà was Arjaantje vanDrommelen.
Die kon rare streken!
À-ten baas smorges in de schure kwam, dan was 't "goeie morgen, mensen", "goeie morgen, baas" en dan vroeg Arjaantje: "Baas, wà wil je van morgen op de balken zien lopen?"
"Ja, Arjaan, dà moe je zelf maa weten!" zei deJonge.
En dan zag j 'allemaa witte (h)oenders d 'er over lopen en véle! En op een andere morgen dan waren 't weer (h)ôpen mee katten die - t - er over liepen!
Een keer, dà was in de winter, 't aa gevroren en 't was glad en à - t - èrrebeiers naar (h)uus giengen, pakten z 'udder prikkelbak, want 't aa g 'iezeld (geijzeld).
Maar Arjaan die zei: "ik kan 't gauwer!" Die pakten z 'n pulletje (kruik) en dà zetten die onder z 'n gat (achterste) en ze zagen em riejen; die was zó uut 't gezicht!
À-tie wà tegen j 'aa, dan aa j-e 't zitten (dan was je nog niet gelukkig!). Dà was zo mee Levien deGroote van den (H)oek.
À-tie mee de pèrden op 't land bezig was in de buurte waar Arjaantje werkten en ie draaiden op 't ende van 't stik (land), dan glejen iedere keer de striengen (leidsels) van de pèrden af en à - tie ze d 'er dan weer oplei, dan giengen z 'er weer af!
Dà was ezelen weet-je, dad Arjaantje dee!

SINSAG 0750 - Andere Zauberei.    SINSAG 0750 - Andere Zauberei.   

Tovenaar tovert kippen en katten die op balk lopen; rijdt op drinkkruik over ijs, laat leidsels van paarden glijden.

Collectie De Vries, verslag 55, verhaal 2 (Archief Meertens Instituut)

Vogelschorpolder    Vogelschorpolder   

de Jonge-van de Broeke    de Jonge-van de Broeke   

Arjaantje van Drommelen    Arjaantje van Drommelen   

Levien de Groote    Levien de Groote   

Hoek    Hoek