VRIES005504

Dà was bie den Ouwen Guljaam deRegt in de Kouwepolder (koudepolder) en daar aaden z 'een koewachter en die kon 't ook!
Die zei tegen den ouwen Guljaam: "(h)oeveel vèrkes ei jie liggen, baas? En die zei: "Maar éne!" "D 'as nie waar, baas, daa liggen d 'er twee-e," zeit-ie.
"Dà kan nie(t)," zei t-en baas.
"Gaa tan maa mee kieken," zei dà knechtje en daa lagen twee vette vèrkes nèst mekare. Maa 't was ter toch maar éne, (h)oor!
Die kon nog meer rare streken. Soms streek tie deur z 'n (h)aar en dan vielen d 'er allemaa rieksdaalders uut. En je zag ze gewoon vallen, maar à je z 'op wou rapen, dan kon je d 'er geen ene vinden!
'k Èn wel is (h)oren zeggen, dà zukke mensen nie(t) dood kunnen gaan voor à ze gebraakt èn, maar of 't waar is, dà weet ik nie(t)!
Bie Krientje Tieleman (= Dieleman), die weunden op de Noord(h)oek (noorddijk) onder den(H)oek, daa was 't ook nie pluus!
En Arjaan Keukelèr (Keukelaar) die weunden daa nèst!
Die aad een pèrd en dà kon nie eten en dà liep altied maar (h)een en weer deur de wei-e.
En dà dee die vrouwe van daanèst (daarnaast).
Ie d 'er naa toe, die was vee(l) kwaad en die zei: "à tà noe nie(t) op(h)oudt, dan slaank je dood!"
Maa 't was wè klaar!
Mien vrouws vader, Jan deRegt ei-taar is een koe gekocht.
Die gieng tie weg(h)alen en (h)oe gauw of tie thuus was, d 'as niet te zeggen! En dà dee "Sie" (vrouw Dieleman) allemaa.
Die koe, daar eit-ie vee(l) last mee ghad, die sloeg às een pèrd; daar aa z 'em lelijk mee te pakken!

SINSAG 0750 - Andere Zauberei.    SINSAG 0750 - Andere Zauberei.   

TM 3101 - Heks maakt kind (mens, dier) ziek    TM 3101 - Heks maakt kind (mens, dier) ziek   

Toverij door tovenaar; heks maakt paard en koe ziek.

Collectie De Vries, verslag 55, verhaal 4 (Archief Meertens Instituut)

Guljaam de Regt    Guljaam de Regt   

Kouwepolder    Kouwepolder   

Koudepolder    Koudepolder   

Krientje Tieleman (= Dieleman    Krientje Tieleman (= Dieleman   

Krientje Dieleman    Krientje Dieleman   

Arjaan Keukelèr    Arjaan Keukelèr   

Arjaan Keukelaar    Arjaan Keukelaar   

Noordhoek    Noordhoek   

Noorddijk    Noorddijk   

Hoek    Hoek   

Hoek    Hoek