VRIES005901 - Verhalen uit "'t RUSSEMENT"(Retranchement; W.Z.Vl.)

M 'en moeder heette Suzanna Risseeuw, z 'is in 1845 in Cadzand geboren en getrouwd in 1868.
Toen ze nog junk was vree ze mee Jan Masclee. A tie saves dan kwam, dà was meest szaterdags, dan spookten het altied in den tuin à Jan weg was. A moeder dan naa binnen gieng dan begon het.
"Daar ei-je dà gedonder awee" zei ze dan!
Voor ze naa binnen gieng dee z 'altied d 'er "ziede-linten" (zijlinten van de Cadzandse vrouwendracht) al af, ze docht, dan bin 'k gauw in bed.
Maar as ze dan binnen was dan kon ze deur de dichte blinden het padje in den tuin zien, beschenen deur de volle mane.
En mee geen mogelikheid kon ze dan in bedde geraken.
Ze klaagden d 'er nood bie d 'er moeder. Die zei: "wil 'k er ook uutkommen?"
Maa dan zei Suzanna: "doet tà maa nie, anders geraak je d 'er ook nie meer in!"
En wien of tà dee was wè bekend; dà zou de schaapherder moeten gewist zien (zijn), die bie deBruijne dienden op St-Anne (St. Anna terMuiden bij Sluis).
Een dochter van deBruijne was getrouwd mee een broer van mijn moeder, mee een Risseeuw. En die waren een bitje boos, dà Jan Masclee nog nie op de stee van moeder kon kommen, à tie mee Suzanna zou trouwen.
En (h)oe à ze da noe wisten?
Vader aad-is op een keer bie ons in de schure iets naa binnen zien gaan. Ie (h)oorden wà leven en ie gooiden de rieke die die bie em droeg de schure in.
Dadelik daarop (h)oorden ie een vreselik lawaai en een (h)arden brul en al de deuren van de schure vlogen open.
Maar een paar dagen later liep de schaper mee een (h)eele verbonden kop rond! Dà was vasself de schaper gewist die de schure binnengegaan was.
Maa ze bin toch à gauw getrouwd en toen 't bruiloft was, was 't een stille wèrme dag, den 16 en juli.
Ze zaten allemaa buuten en toen zei d 'er een: "zou ’t nog een kée gaan spoken?"
En waarachtig, een stuitje later vlogen de mendeuren algeliek open.
"Daar ei-je 't aweer" riep Suzanna. Want (h)elemaa klaar was 't gespook nie. 't Gebeurden welees dat de knechten in de stal bezig waren, dat over d 'onderdeuren van de stal een groten zwarten (h)ond sprong en zo langs achter d 'er weer uut!
Dan waren de knechten op udder dood, want geen mens in de buurte aa zo 'n (h)ond.
't Gebeurden ook wè, dat de knechten saves à z 'op stap giengen, soms nie verder konden geraken.

SINSAG 0640 - Hexentier verwundet: Frau zeigt am folgenden Tag Malzeichen.    SINSAG 0640 - Hexentier verwundet: Frau zeigt am folgenden Tag Malzeichen.   

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

SINSAG 0666 - Zauberer bannt an den Ort.    SINSAG 0666 - Zauberer bannt an den Ort.   

SINSAG 0750 - Andere Zauberei.    SINSAG 0750 - Andere Zauberei.   

Schoonfamilie laat tovenaar de aanstaande schoondochter betoveren; na raken van spook blijkt tovenaar gewond; deuren gaan vanzelf open; zien van grote zwarte hond in de stal; vastzetten van knechten.

Collectie De Vries, verslag 59, verhaal 1 (Archief Meertens Instituut)

Suzanna Risseeuw    Suzanna Risseeuw   

Jan Masclee    Jan Masclee   

de Bruijne    de Bruijne   

Cadzand    Cadzand   

Cadzand    Cadzand