CJ022710

Der wie us in reizger to Jistrum, dy moest us in skoft wachtsje op 'e wein dêr't er mei ride soe.
Om de tiid om to krijen gong er nei 't tsjerkhôf ta. Doe't er dêr hwat omkuijere, woarde er in deadsholle gewaer, dy siet noch heal yn 'e groun wei.
Hy nom him der út en doe seach er dat der in rustige spiker troch de skedel hinne boarre siet.
De reizger lei de deadsholle wer del, mar even letter krige hy him wer op. Him tochte, dit wie gjin goed spul. Hy biboun de deadsholle yn in reabûsdoek en doe gong er nei de koster ta en frege hwaans graef dêr wie.
It wie it graef fan in snider. Hy hie al gâns jierren wei west, mar syn wiif wie noch yn leven en de koster neamde har namme en wiisde it hûs oan, dêr't hja wenne.
De reizger gong dêr hinne. De widdou kom foar. Hy frege har of hja de frou wie fan 'e snider dy't forstoarn wie. It minske joech dat ta.
Doe makke de reizger de bûsdoek los en toande it minske de deadsholle mei de rustige spiker der troch. En hy frege: "Kinne jo my ek sizze hoe't dy der yn kom is?"
It minske swymde.
Doe't se wer bykom wie fortelde se alles. Hja hie fan har man ôf wêze wold. Op in nacht, doe't er lei to sliepen, hie hja him in spiker yn 'e achterholle slein.
De reizger hat it net oanbrocht. Hy sei allinnich: "Jo binne swier straft."

Een reiziger zag eens op het kerkhof een doodshoofd met een roestige spijker erin. Via de koster kwam hij erachter dat het het doodshoofd van de kleermaker moest zijn. Toen de weduwe van de kleermaker het hoofd met de spijker zag, bekende zei dat ze van hem af had gewild, en daarom op een nacht een spijker in zijn hoofd had geslagen.

Corpus Jaarsma, verslag 227, verhaal 10

1 maart 1966

Jistrum    Jistrum   

Eestrum    Eestrum   

2013-03-01 14:46:21