Hoofdtekst
Der tsjinne in feint by de boer. 't Wie yn 'e winter en de minsken hienen 't krap. Der wie hast gjin wurk to krijen.
De feint iet mei lange tosken en rearde mar hwat mei de foarke yn 't iten om. Sy ieten woartels mei sipels.
"Skilt der hwat oan?" frege de boer.
"Ja," sei de feint, "ik socht om in stikje spek."
"Dat sit der yn", sei de boer.
"It sit der net yn", sei de feint.
"En ìk siz, it sit der yn", sei de boer. "En as it dy net oanstiet, kinst wol fuortgean."
Hwant de boer koe him bêst slite, hy hie nou by 't winter net folle foar him to dwaen. Dat de feint tochte: "Ik sil my stil hâlde, mar ik krij him wol wer."
Doe woarde it simmer.
't Wie yn 't drokst fan 'e ûngetiid en elke boer skeat hannen tokoart. By deselde boer, dêr't wy 't oer ha, lei it hea yn swéën en bulten, en de loft drige hiel bot.
De boer en 'e feint stienen yn 'e skuorre en wienen mei in foer hea oan 't leegjen.
Doe sei de feint tsjin 'e boer: "Sjoch, boer, dêr komt in hazze oanrinnen." ('t Wie in kat).
"Hwer sjochstû in hazze", sei de boer. "It is in kat."
"En ik siz, dat it in hazze is", hâldde de feint fol. "En as jo net sizze wolle, dat it in hazze is, dan smyt ik de foarke del en dan kin jo jo mar allinne rêdde."
"It is in hazze", sei de boer.
"Krekt," sei de feint, "like goed as de sipels spek wienen is dizze kat in hazze."
De feint iet mei lange tosken en rearde mar hwat mei de foarke yn 't iten om. Sy ieten woartels mei sipels.
"Skilt der hwat oan?" frege de boer.
"Ja," sei de feint, "ik socht om in stikje spek."
"Dat sit der yn", sei de boer.
"It sit der net yn", sei de feint.
"En ìk siz, it sit der yn", sei de boer. "En as it dy net oanstiet, kinst wol fuortgean."
Hwant de boer koe him bêst slite, hy hie nou by 't winter net folle foar him to dwaen. Dat de feint tochte: "Ik sil my stil hâlde, mar ik krij him wol wer."
Doe woarde it simmer.
't Wie yn 't drokst fan 'e ûngetiid en elke boer skeat hannen tokoart. By deselde boer, dêr't wy 't oer ha, lei it hea yn swéën en bulten, en de loft drige hiel bot.
De boer en 'e feint stienen yn 'e skuorre en wienen mei in foer hea oan 't leegjen.
Doe sei de feint tsjin 'e boer: "Sjoch, boer, dêr komt in hazze oanrinnen." ('t Wie in kat).
"Hwer sjochstû in hazze", sei de boer. "It is in kat."
"En ik siz, dat it in hazze is", hâldde de feint fol. "En as jo net sizze wolle, dat it in hazze is, dan smyt ik de foarke del en dan kin jo jo mar allinne rêdde."
"It is in hazze", sei de boer.
"Krekt," sei de feint, "like goed as de sipels spek wienen is dizze kat in hazze."
Onderwerp
AT 1565** - Turnips as Bacon 
AT 1565** - Turnips as Bacon 
ATU 1565** - Turnips as Bacon.
ATU 1565** - Turnips as Bacon.
Beschrijving
In krappe tijden dwingt een boer zijn knecht toe te geven dat er ook stukjes spek in de wortel- en uienmaaltijd zitten. Tijdens de hooioogst, als hij niet gemist kan worden, draait de knecht de rollen om: om te voorkomen dat hij wegloopt moet zijn baas toegeven dat een kat een haas is. 'Net als de uien spek zijn, is deze kat een haas' besluit de knecht.
Bron
Collectie Jaarsma, verslag 323, verhaal 1 (archief MI)
Commentaar
18 januari 1968
Turnips as Bacon
Datum Invoer
2013-03-01 14:46:21