CJ055303

Fan Grinzer Pein farde der in boat nei Grins ta. Dêr gongen de kooplju tiisdeis altyd mei.
Mar de boat wie Albert Gjaltema to djûr. Hy wie ek koopman. Hy koe guodkeaper mei de snikke, dy lei by de Keale wei. Dat wie twintich sinten guodkeaper.
Sa hied er in kear mei de snikke nei Grins ta west. Doe't er oan wâl stapte wie 't tsjuster. Hy moest de Hofloane del. Dêr stie net in inkeld hûs oan oan Grinzer Pein ta.
Doe't er sahwat op 'e helte wie, woarde er optild - hy sweefde in skoftsje en doe woarde er wer delset. Doe stie er wer by de snikke. Hy tocht: "Hoe kin dit?"
Hy sei tsjin 'e man fan 'e snikke: "Kinne jo my der lâns bringe? Ik hie in raer gefal. 'k Wie oan 'e helte ta, doe woarde 'k optild en hjir wer delset."
De man fan 'e snikke gong mei. Hy hie in kneppel ûnder 'e jas. Doe't Albert wer op 'e helte wie, seach er ris om him hinne en hy sei: "Binne jo hjir noch?"
Mar hy krige gjin antwurd.
Albert bigrypte der neat fan, mar hy tocht: ik mat mar goed oanstappe, dan bin 'k gau yn de Pein.
Hy roan yn 'e linkerberm lâns. Mar op in stuit fortroude er him net. Hy tocht: ik mat mar op 'e hurde wei.
Mar doe stie er ynienen oan 'e oare kant de wei. En even letter wer oan 'e linker kant. Sa gong dat hyltyd mar troch. Doe't Albert de jouns goed en wol thûs wie, sei er tsjin syn frou: "Nou gean ik noait wer mei de snikke mei."

SINSAG 0542 - Von unsichtbaren Händen aufgenommen    SINSAG 0542 - Von unsichtbaren Händen aufgenommen   

Een man werd op een nacht verschillende malen van de weg opgetild en op een andere plek weer neergezet.

Corpus Jaarsma, verslag 553, verhaal 3

20 december 1969

Von unsichtbaren Händen aufgenommen

Albert Gjaltema    Albert Gjaltema   

Grinzer Pein    Grinzer Pein   

Grins    Grins   

Groningen    Groningen   

Keale wei    Keale wei   

Hofloane    Hofloane   

Hoflaan    Hoflaan   

2013-03-01 14:46:21