Hoofdtekst
Lange jierren lyn fortelde keapman Reeling op 'e sosieteit to Eastemar dat it wie ris bard dat er mei in kloftsje manlju op 'e Eastemarre brêge stie to praten. Hy wie doe noch tige jong west. (± 1850)
Keapman Reeling fortelde: "Doe hearden wy ynienen in lûd gejammer dat kom de kant fan 'e Leijen út wei. 't Wie krekt as wie dêr ien yn deadsgefaer.
In jongfeint, dy't by ús stie, woarde wyt om 'e holle en sei: 'Dat is foar my ornearre, ik wurd roppen'.
In pear wiken letter is hy yndied op 'e Leijen fordronken."
Keapman fortelde dit as in gefal dat wier bard wie en hy neamde de namme fan de fordronkene der by.
Master van Koten fan Eastemar fortelde itselde forhael, mar dy foege der oan ta dat der wie roppen woarn: "De tijd is verschenen, maar de man is er nog niet." Keapman hie dat der nèt by.
Onderwerp
SINSAG 0001 - "Hier ist die Zeit, wo ist der Mann?"   
Beschrijving
Bron
Motief
D1311.11.1 - River says, “The time has come but not the man”.   
Naam Overig in Tekst
Reeling   
Leijen   
Van Koten   
Eastemar   
Eastemarre   
Reeling   
Van Koten   
Naam Locatie in Tekst
Eastemarre   
Eastemar   
Eastermar   
Oostermeer   
Leijen   
Plaats van Handelen
Oostermeer   
