CJ063701

In reus en in jonge, dy hâldden in wedstriid hwa't it measte ite koe. Sy gongen beide oan 'e tafel sitten, dêr't in ûnbidige panne fol rizenbrij op stie. Mar de jonge hie stikum in greate sek foar boun, en as er in leppelfol rizenbrij by de mûle brochte, liet er it tomûk yn 'e sek falle. De reus koe dat net sjen, omdat er sa great wie.
De reus iet om 't leven om it mar fan de jonge to winnen, mar op 't lêst sei er: "Ik kin net mear."
"Jowst nou al op?" sei de jonge.
"Ja," sei de reus, "der kin neat mear yn."
"By my wol", sei de jonge en hy skepte bidaerd troch.
De reus woarde lulk.
"Dû smoarge lytse poarre," tocht er, "soestû it fan my winne?" De jonge fornom dat er lulk woarde. Hy tocht: "Dit komt forkeard. Aenst pakt er my. Dan gean ik der oan."
Doe sei er tsjin 'e reus: "Hastû sa'n lêst fan dyn grou liif? Dat is suver neat. Ik haw der ek lêst fan, mar sjoch, ik snij 't iepen en dan kin 'k wol wer opnij bigjinne."
"Nou lytse poarre," tocht de reus, "hwatstû kinste, dat kin ik èk." Doe snijde de jonge de sek iepen en doe't de reus dat seach snijde dy syn liif iepen en doe gong de reus dea. Doe hoefde de lytse jonge net mear bang foar him to wêzen.

AT 1088 - Eating Contest    AT 1088 - Eating Contest   

ATU 1088 - Eating/Drinking Contest.    ATU 1088 - Eating/Drinking Contest.   

Een reus en een jongen houden een eetwedstrijd wie de meeste rijstebrij op kan. De jongen heeft echter een zak voorgebonden en in plaats van het op te eten verdwijnt het daarin. De reus heeft dit niet door en legt het uiteindelijk af tegen de jongen. De reus vindt dit niet leuk en wordt boos. Omdat de jongen een slecht einde voorziet zegt hij dat hij last van zijn lichaam heeft en het geneest door het open te snijden. Hij snijdt de zak open. De reus doet hetzelfde en sterft.

Collectie Jaarsma: verslag 637, verhaal 1

24 maart 1969

Eating Contest

2013-03-01 14:46:21